Авыл

Читтә яшәүче татар эшмәкәрләре Татарстан фермерларына көнләшеп каравын яшерми

“Бездә дә Татарстандагы кебек эшмәкәрләргә ярдәм булсын иде”, – ди Томск вәкиле.
01.03 20:38

(Казан, 1 март, “Татар-информ”, Чулпан Шакирова). Читтә яшәүче татар эшмәкәрләре Татарстан фермерларына көнләшеп каравын яшерми. Бу хактагы фикер бүген “Бөтенроссия татар авыллары эшмәкәрләре съезды” кысаларында узучы ”Шәхси хуҗалыкларга ярдәм” исемле дискуссия мәйданында ишетелде.

Томскидан килгән Рөстәм Алимов үз чыгышында шул хакта искәртте.

“Мин үзем фермер. Дөрес, әле башлангыч фермер статусына гына ия. Бездә Татарстандагы кебек фермерларга ярдәм юк. Бу яктан без Татарстан фермерларына көнләшеп карыйбыз. Барысын да күреп, ишетеп торабыз”, – диде ул.

Рөстәм Алимов бүген 9 баш мөгезле терлек асрый. Маллар утары Томск каласынан биш чакрым ераклыкта урнашкан.

“Үз хәлемнән килгәнчә генә маллар үрчетәм. Эшчәнлегемне җәелдерергә телим. Әмма ничек булыр, монысын вакыт күрсәтер. Дәүләттән аз гына да ярдәм булмаса, мал асрау бик авыр. Азык бик кыйммәт. Шуңа күрә безнең якта мал тотучылар, бигрәк тә фермерлык белән шөгыльләнүчеләр бик сирәк. Безнең сүзне ишетсеннәр дә, безгә дә дәүләттән ярдәм булсын иде. Мал асрарга теләге булган яшьләргә кирәк ул ярдәм, – диде Томскида яшәүче татар эшмәкәре.

Исегезгә төшерик, бүген Казанга Бөтенроссия татар авыллары эшмәкәрләре җыелды. Анда Россия Федерациясенең 41 регионыннан, һәм Татарстаннан 750 кече бизнес вәкилләре, фермер хуҗалыклары җитәкчеләре катнаша.
 

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.