Сәясәт

Рөстәм Миңнеханов Татарстанның Үзбәкстан белән тәҗрибә уртаклашырга әзерлеген белдерде

Казан Кремлендә Татарстан Президенты белән Ташкент өлкәсе делегациясе очрашты.
02.03 17:38

(Казан, 2 март, "Татар-информ").  Татарстан Президенты республиканың Үзбәкстан коллегалары белән төрле юнәлешләрдә һәм икътисадның төрле өлкәләре буенча тәҗрибә уртаклашырга әзерлеге турында белдерде. Казан Кремлендә Татарстан Президенты Рөстәм Миңнеханов Үзбәкстанның Ташкент өлкәсе хакиме Гуломжон Ибраһимов белән очрашты. Бу хакта Татарстан Президенты матбугат хезмәте хәбәр итә.

Россия Федерациясе төбәге буларак, Татарстан Россия-Үзбәкстан мөнәсәбәтләрен ныгытуга юнәлдерелгән хезмәттәшлекне үстерү яклы. "Үзбәкстанның Ташкент өлкәсе делегациясенең бүгенге визиты алга таба үзара элемтәләрне ныгытуга китерәчәк", - диде Миңнеханов.

Республика лидеры Татарстан Үзбәкстанга төбәк предприятиеләрендә җитештерелә торган сәнәгать продукциясен җибәрү белән кызыксынуын искәртте.

Очрашуда Татарстан Президенты ярдәмчесе Радик Гыйматдинов һәм вице-премьер – республиканың сәнәгать һәм сәүдә министры Альберт Кәримов катнашты.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.

Татарстан мәчетләрендә татар телен өйрәнү курслары башлана

Курсларны уздыру вакыты озайтыла: белем бирү дәвамлылыгы элеккечә 3 айга түгел, ә ярты елга исәпләнгән.

Илгиз Зәйниев “Әкият” курчак театрында Әлфия Авзалова турында музыкаль спектакль куячак

Пьеса Әлфия Авзалованың тормыш һәм иҗат биографиясе нигезендә язылган, һәм анда Илһам Шакиров образы да булачак.