Фән һәм мәгариф

Илнар Һидиятов Казан Мәгариф идарәсе җитәкчесе итеп билгеләнде

Идарәнең элеккеге җитәкчесе Илсур Һадиуллин Татарстан мәгариф һәм фән министрының беренче урынбасары вазифасына билгеләнгән иде.
02.03 19:08

(Казан, 2 март, "Татар-информ"). Казан башкарма комитетының Мәгариф идарәсе җитәкчесе итеп Илнар Һидиятов билгеләнде. Бу хакта Казан мэриясе матбугат хезмәте хәбәр итә.

И.Һидиятов гыйнвар башыннан идарә җитәкчесе вазифасын башкарды. Идарәнең элеккеге җитәкчесе Илсур Һадиуллин Татарстан мәгариф һәм фән министрының беренче урынбасары вазифасына билгеләнгән иде.

Мәгариф идарәсе коллективына яңа җитәкчене шәһәрнең башкарма комитеты җитәкчесе Денис Калинкин тәкъдим итте. Билгеләү турындагы карар бүген имзаланды, диде ул.

Идарәнең яңа җитәкчесе ышаныч белдерүләре өчен рәхмәт әйтте һәм яңа уңышларга ирешү өчен мөмкин булганны эшләргә вәгъдә итте.

Илнар Һидиятов 1979 елның 7 сентябрендә Арча районы Дусым авылында туган. 2001 елда “татар теле һәм әдәбияты укытучысы” белгечлеге буенча Татар дәүләт гуманитар институтын, 2014 елда “Югары икътисад мәктәбе” илкүләм тикшеренү университеты магистратурасын тәмамлаган.

2001 – 2006 елларда Казанның Мәскәү районы 2 нче лицей-интернатында татар теле һәм әдәбияты укыткан, интернат мөдире булып эшләгән.

2006-2007 елларда Казан башкарма комитеты Мәгариф идарәсенең Мәскәү районы буенча мәгариф бүлеге җитәкчесе урынбасары, 2008-2010 елларда Мәскәү районы буенча мәгариф бүлегендә баш белгеч, 2010 елда Казан башкарма комитеты Мәгариф бүлеге җитәкчесе урынбасары булып эшләгән.

Филология фәннәре кандидаты.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.