Фән һәм мәгариф

"Казан шәһәре ел укытучысы-2018” конкурсында 450 гә якын укытучы катнашты

Бу юлы конкурста җиңүчеләрне 9 номинация буенча билгеләделәр.
02.03 20:00

(Казан, 2 март, "Татар-информ", Надежда Гордеева). Татарстан башкаласында бүген “Казан шәһәре ел укытучысы-2018” һөнәри осталык конкурсына нәтиҗә ясадылар. 28 нче тапкыр уздырылган конкурста 448 укытучы катнашты. 76 мәгариф оешмасыннан 91 укытучы шәһәр этабын узды.

Конкурс узган елның ноябреннән агымдагы елның февраленә кадәр дәвам итте.

Казан мэры Илсур Метшин педагогларны сәламләде һәм профессиональ педагоглар берләшмәсе формалаштыру процессында актив катнашучылары, һөнәрләренә битараф булмаулары һәм үсешкә омтылулары өчен рәхмәт белдерде.

“Ел укытучысы” һөнәри конкурсының абруе елдан-ел үсә, ә мәгариф эшчәнлеге өлкәсендә белгечләрнең катнашуы мактаулы һәм җаваплы санала. Конкурс иң яхшыларны ачыклау һәм укытучыларга авыр, мөһим хезмәте өчен рәхмәт белдерү мөмкинлеге бирә. Педагог булу сәләте – ул кыйммәтле бүләк. Ул укыту процессын оештырудан тыш, тулы бер буын тәрбияләүне мөмкин итә. Безнең балаларга кыйммәтләрне тапшыру, шәхес буларак һәм профессиональ үсеш өчен сез җаваплы”, - диде мэр.

Конкурста катнашучылар уртача 42 яшьтә. Иң өлкән катнашучыга 69 яшь, иң яшенә – 21 яшь.

Кагыйдәләр буенча конкурс программасына хезмәт стажы 5 ел булган укытучылар гына кертелә. Бары тик "Педагогик дебют” номинациясендә катнашучылар өчен генә искәрмә ясала. 

Бу юлы конкурста җиңүчеләрне 9 номинация буенча билгеләделәр.

Беренче урынны 19нчы гимназиянең тарих укытучысы Тимур Вишневский алды. Ул конкурсның абсолют җиңүчесе итеп танылды.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.