Икътисад

Силуанов Татарстанның эре инвестицион проектларны гамәлгә ашыруда уңышларын бәяләде

Россия финанслар министры һәм Татарстан Президенты “Алабуга” махсус икътисади зонасында булды.
02.03 20:33

(Казан, 2 март, “Татар-информ”). Россия финанслар министры Антон Силуанов, бүген "Алабуга” махсус икътисади зонасында булганнан соң, Татарстанның эре инвестицион проектлар гамәлгә ашыруда уңышларын бәяләде. Россия финанслар министры белән махсус икътисади зонада Татарстан Президенты Рөстәм Миңнеханов та булды, дип хәбәр итә "Алабуга" МИЗ матбугат хезмәте.

Федераль министр өстенлекле инвестицион проектларны гамәлгә ашырырга ярдәм итү буенча киңәшмәдә катнашты. Анда “Алабуга” сәнәгать-җитештерү тибындагы махсус икътисади зона” акционерлык җәмгыяте генераль директоры Тимур Шаһивәлиев Кама сәнәгать кластерында 1,25 трлн сумлык проектларны чынга ашыру ниятләнә, дип белдерде. Яңа производстволар ел саен 720 млрд сумга кадәр табыш бирергә тиеш.

Татарстан предприятиеләре җитәкчеләре гамәлгә куярга мөмкин булган проектлар һәм аларга дәүләт ярдәме күрсәтү чаралары турында сөйләде.

Аннары Антон Силуанов: “Алга таба да инвестицияләрне ашыктыра төшү өчен инструментлар кирәк, без аларны эшләргә әзер”, диде.

“Без бүген тәкъдим ителгән проектларның икътисади нәтиҗәлелеген раслаучы исәп-хисапны тәкъдим итәргә әзер”, дип җавап бирде Рөстәм Миңнеханов.

КӨН ҮЗӘГЕНДӘ

Продюсер Миләүшә Айтуганова ике хатынлылык темасына фильм төшерергә җыена

«Татаркино» Гаяз Исхакыйның «Остазбикә» әсәре мотивлары буенча фильмга кастинг уздыра.

“Татар кызы – 2018” бәйгесенең финал этабын “Татар-информ” онлайн күрсәтә

Бәйге бүген, 20 июнь көнне, 18.30 сәгатьтә Филармония концертлар залында үтәчәк.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Футбол буенча дөнья чемпионатының мәдәни программасы: Казан Кремле

Чемпионат чорында музей-тыюлык территориясендә музыкаль фестивальләр һәм күргәзмәләр узачак.

14 июльдә "Керәшен чибәре-2018" билгеле булачак

Конкурс Мамадыш районы Җөри авылында - Питрау бәйрәме кысаларында үткәреләчәк.