Авыл

Әлкидәге шәхси эшмәкәр Дамир Шәйхетдинов көненә кырык тонна көнбагыш эшкәртә

Бөтероссия татар эшмәкәрләре Әлки районында көнбагыштан май сыгу процессы белән танышты.
02.03 21:19

(Казан, 2 март, “Татар-информ”, Чулпан Шакирова). Әлки районы Түбән Әлки авылында яшәүче шәхси эшмәкәр Дамир Шәйхетдинов көнбагыш мае ясау һәм сату эше белән ике ел шөгыльләнә. Бүген инде җитештерү җайга салынган. Бөтенроссия татар эшмәкәрләре делегатлары әлеге производство белән танышты.

“Бер гектар җиребез юк, бер культура да чәчмибез”, - диде эшмәкәр “Татар-информ” хәбәрчесенә. - Көнбагыш эшкәртү эшенә ике ел элек керештек. Барлык чимал менә бу складта саклана. Ул 90 метр озынлыкта, 24 метр киңлектәге бина. Бу производствоның башы гына. Май алу цехы автоматлашкан. Системаның дөрес эшләвен нибары ике оператор күзәтә.

Дамир Шәйхетдинов эшмәкәрлек шөгылен авылларда резина галош сатудан башлый. Аннан соң иске тракторлар сатып алып, аларны ремонтлап сата. Соңрак сөт җыю эшенә керешә.

“Көнбагыш калдыксыз культура икән ул. Аның кабыгын кирпеч заводына тапшырабыз. Кабыкны кирпеч массасына кушалар. Нәтиҗәдә, ул кирпечне 1000 градуска кадәр кыздырып, эчтән җылылык бирә”, - ди эшмәкәр.

Шәйхетдинов хуҗалыгы бүген көнбагыштан май алу белән ныклап шөгыльләнә. Киләчәктә көнбагышка төргәкләргә төреп сатуга чыгаруга да күздә тотыла.

“Көненә 41 тонна көнбагыш эшкәртәбез, бу - елына 15 мең тонна дигән сүз. Бүген без майны салкын ысул белән сыгабыз. Безнең май - рафинадланмаган. Бу - Европада иң файдалы саналган май. Ул салатлар ясау өчен кулланыла. Ә рафинадланган, чистартылган май кыздыру, пешерү өчен яхшы. Киләчәктә анысын да эшли башларга исәп бар”, - ди Дамир Шәйхетдинов.

Түбән Әлки авыл җирлегенә Түбән Әлки, Югары Әлки һәм Суыксу авыллары керә. Өч авылда 880 хуҗалык бар, 1281 кеше яши. Түбән Әлки авылында исә 280 хуҗалыкта 807 кеше көн күрә.

Түбән Әлки - Камал театры артисты Әсхәт Хисмәт, Югары Әлки - апалы-сеңелле театр артистлары Исламия Мәхмүтова һәм Рузия Мотыйгуллинаның туган авылы.

Исегезгә төшерәбез, бүген Бөтен Россиядән җыелган татар эшмәкәрләре – 750 делегат Әлки районына сәфәр кылды. Биредә алар татар эшмәкәрләре тормыш-көнкүреше белән танышты, тәҗрибә туплады.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.