Авыл

Әлки эшмәкәре сөткә бәя төшүне узган җәйнең яңгырлы килүеннән күрә

“Һава торышы әйбәт булгач, бөтен җирдә яшеллек булды, печән уңды. Бу – сөт артуга китерде, ә аңа ихтыяҗ юк”, – ди эшмәкәр.
03.03 09:11

(Казан, 2 март, “Татар-информ”, Чулпан Шакирова). Әлки районының Түбән Әлки авылында яшәчүе эшмәкәр Дамир Шәйхетдинов сөткә бәя төшүне узган җәйнең яңгырлы килүендә күрә. Ул – бүген 7 райондагы 127 сөт җыючыдан, көненә 80 тонна сөт кабул итеп тапшыра.

“Сөткә бәя тиз генә җайланыр дип уйламыйм. Җәй уңышлы килде, яңгырлы булды. Бу исә, печәннең котырып уңуына китерде. Азык запасы, яшеллек күп булды, шуңа күрә, сөт тә башка елларга караганда, 20-30 процентка артыграк. Сөтнең дефициты юк. Дефицит булмаган җирдә, һәрвакыт бәя төшә. Ашлык белән дә шул. Икмәк тә күп булды бит. Тагын бер җәйне үтеп, ашлык дефициты китмичә, сөткә дә бәя артмаячак. Дефицит туса, ихтыяҗ барлыкка килә һәм бәя үзеннән-үзе арта”, – диде эшмәкәр “Татар-информ”га.

Дамир Шәйхетдинов бүген бер литр сөт өчен 16-18 сумнан түли.

“Белоруссиядән сөт кертүне чикләүнең дә әллә ни файдасы булыр, дип уйламыйм. Аның файдасы 6-7 проценттан артмаячак. Ә бу сизелерлек аерма түгел”, - диде Дамир Шәйхетдинов.

Исегезгә төшерәбез, 2017 елның өченче кварталыннан башлап, сөткә бәяләр төшә башлады. Шул уңайдан Татарстан Президенты Рөстәм Миңнеханов, әлеге мәсьәләне хәл итүдә ярдәм сорап, Россия Федерациясе премьер-министры урынбасары Дмитрий Медведевка да мөрәҗәгать итте. 

КӨН ҮЗӘГЕНДӘ

Продюсер Миләүшә Айтуганова ике хатынлылык темасына фильм төшерергә җыена

«Татаркино» Гаяз Исхакыйның «Остазбикә» әсәре мотивлары буенча фильмга кастинг уздыра.

Футбол буенча дөнья чемпионатының мәдәни программасы: Казан Кремле

Чемпионат чорында музей-тыюлык территориясендә музыкаль фестивальләр һәм күргәзмәләр узачак.

“Татар кызы – 2018” бәйгесенең финал этабын “Татар-информ” онлайн күрсәтә

Бәйге бүген, 20 июнь көнне, 18.30 сәгатьтә Филармония концертлар залында үтәчәк.

Дөнья чемпионатында Россия җыелмасы Мисыр командасын җиңде

Россия җыелмасы тарихта беренче тапкыр вакытыннан алда финалның 1/8 этабына чыкты.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.