Авыл

Фәнир Галимов татар атларын бөтен галәмгә танытуда ярдәм сорый

Ат булган җирдә татар бар, татар булган җирдә ат бар, диде Бөтенроссия татар авыллары оешмасы рәисе.
03.03 11:10

(Казан, 3 март, "Татар-информ", Чулпан Шакирова). “Бөтенроссия татар авыллары” иҗтимагый оешмасының Совет рәисе, Башкортстан Республикасы Туймазы районы “Йолдыз” крестьян-фермер хуҗалыгы башлыгы Фәнир Галимов татар атларын бөтен галәмгә танытырга кирәк дип саный. Бу хакта ул бүген VII Бөтенроссия татар эшмәкәрләре җыенының пленар утырышында белдерде.

"Ат булган җирдә татар бар, татар булган җирдә ат бар. Татар аты чыдам, бу генетик яктан да расланган. Әмма соңгы елларда бу терлекне асраучылар кими. Татар атларының киләчәктә дә бөтен галәмгә танытуда җитәкчелек ярдәм күрсәтер, дип өметләнәбез. Башкортстанда ат җене канылган егетләр шактый. Кушнаренко районында яшәүче Марсель Әтәфович хәтта атларда хаҗга бару тәкъдимен дә күтәрде. Татарстанның Лениногорск районында нәселле татар атларын үрчетүче бар. Мин үземнең коллегаларга -  эшмәкәрләргә нәселле татар атларын үрчетү юнәлешендә эшләргә киңәш итәм. Республика җитәкчеләре татар атларын үрчетүгә йөз белән борылсын һәм эшмәкәрләргә ярдәм кулы сузсын иде", - диде ул.

Исегезгә төшерик, 1-3 март көннәрендә Бөтенроссия татар авылы эшмәкәрләре съезды узды. Анда Россиянең 38 төбәгеннән 784 эшмәкәр катнашты.

Бу минутларда авыл эшмәкәрләре съездының пленар утырышын "Татар-информ" онлайн күрсәтә.

Утырышта Татарстан Президенты Рөстәм Миңнеханов катнаша. Президент иң элек авыл хуҗалыгы продукциясе ярминкәсе белән танышты. Ярминкәдә 37 эшмәкәр үз продукциясен тәкъдим итте.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.