Рәсми Татарстан, Татар дөньясы

Рөстәм Миңнеханов эшмәкәрләрне татарча өйрәнергә һәм сөйләшергә чакырды

Без үзебез татарча сөйләшмәсәк, кемгә кирәк безнең тел? диде Президент.
03.03 14:53

(Казан, 3 март, “Татар-информ”, Чулпан Шакирова). Татарстан Президенты Бөтенроссия татар авыллары эшмәкәрләре җыенының пленар утырышында татарча ясалган чыгышлар өчен рәхмәт белдерде.

“Без үз телебезне саклау өчен, аны үзебез кулланырга тиеш. Менә бүген чыгышлар татар телендә булды. Моның өчен зур рәхмәт сезгә. Оялырга ярамый. Безгә һәммәбезгә дә татарча өйрәнергә тырышырга, шушы юлны үтәргә тырышырга кирәк. Кыска гына булса да, безнең чыгышлар татар телендә икән, бу - бик әйбәт күрсәткеч”, - диде республика башлыгы.

Президент шулай ук татар телен саклау һәм камилләштерүдә татар эшмәкәрләре алдында да бурычлар куйды.

“Сез - безнең үрнәк. Сез татар - халкының уңган-булган егетләре-кызлары. Әгәр дә сез татарча сөйләшсәгез, башкалар да үзгәрәчәк. Әгәр дә без үзебезнең телне кирәк, дип тапмасак, кемгә кирәк ул? Шуңа күрә, беренче чиратта, безнең үзебезгә үрнәк күрсәтергә кирәк. Булдырганча, үз фикереңне татар телендә белдерергә тырышыгыз”, - диде Рөстәм Миңнеханов.

Исегезгә төшерик, бүген илбашы Бөтенроссия татар эшмәкәрләре съездының пленар утырышында катнашты. Ул татар эшмәкәрләренең җәмгыятьтә тоткан урынын ассызыклап, бу катламны авылларны саклап калучы төп көч дип атады.

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.