Рәсми Татарстан

Р.Миңнеханов: Сыекландырылган табигый газ куллануны арттырырга телибез

Президент эре немец компанияләре вәкилләре белән компресслар төзү, газ-мотор ягулыгы базарын үстерүдә хезмәттәшлек перспективалары турында сөйләште.
05.03 13:34

(Казан, 5 март, «Татар-информ»). Бүген Татарстан Республикасы Президенты «Falk Beratung GmbH» компаниясе башкарма директоры Томас Фальк җитәкчелегендәге эре немец сәнәгать компанияләре вәкилләре белән компресслар төзү һәм газ-мотор ягулыгы базарын үстерү өлкәсендә хезмәттәшлек перспективалары турында фикер алышты. Очрашуда Рөстәм Миңнеханов "Без агросәнәгать комплексында сыекландырылган табигый газны куллануны арттырырга телибез", дип белдерде. Бу турыда Татарстан Президенты матбугат хезмәте хәбәр итте.

Рөстәм Миңнеханов ассызыклаганча, бүген газ-мотор ягулыгы базарын үстерү, табигать газын сыекландыру буенча җитештерүне оештыру – аеруча актуаль тема.

Татарстан Президенты искәрткәнчә, 2013 елдан республикада «Газпром» АҖ белән берлектә газ-мотор ягулыгы базарын үстерү буенча махсус программа гамәлгә ашырыла. Бүген республика территориясендә 19 автомобильләргә газ салу компрессор станциясеннән торган челтәр эшләп килә. Күп санлы техника табигать газына күчерелгән инде. Татарстан Президенты фикеренчә, сыекландырылган табигый газы базары иң перспектив булып кала. «Аерым алганда, без агросәнәгать комплексында сыекландырылган табигый газны куллануны арттырырга телибез. Бу безгә күп кенә ресурсларны экономияләргә ярдәм итәчәк», - диде Рөстәм Миңнеханов.

Татарстан Президенты сүзләренчә, бу юнәлештә «КАМАЗ» автомобильләр җитештерүчеләренең билгеле бер казанышлары һәм эшләнмәләре бар инде. Судноларда һәм локомотив хуҗалыкта сыекландырылган табигый газ куллану да реаль.

Аннары Atlas Copco» һәм «Nikkiso Cosmodyne» компанияләре вәкилләре бөтендөнья базарындагы эш тәҗрибәләре турында сөйләделәр һәм компрессорлар һәм вакуум техникасы, насос һәм криоген җайланмалар проектлау һәм җитештерү өлкәсендәге проектларын тәкъдим иттеләр. 

Очрашу Татарстан Республикасы Хөкүмәте Йортында узды, анда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, «Татнефтехиминвест-холдинг» ААҖ генераль директоры Рафинат Яруллин, «Казанькомпрессормаш» АҖ идарәче директоры Илнур Сәгъдиев һәм башкалар катнашты.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.