Авыл

Иманы булган кеше туган ягына ярдәм итәргә кирәк икәнен аңлый, дип саный Президент

Бу күрсәтмә биреп эшләтә торган эш түгел, диде Рөстәм Миңнеханов.
05.03 14:20

(Казан, 5 март, "Татар-информ", Алсу Исмәгыйлева). Татарстан Президенты Рөстәм Миңнеханов фикеренчә, туган ягына булышу программасы һәр кешенең үзендә булырга тиеш. Бу фикерен Миңнеханов бүген "Шәһри Казан" газетасы һәм "Сөембикә" журналы баш мөхәррире Гөлнара Сабированың 1-3 март көнне Казанда узган Бөтенроссия татар эшмәкәрләре җыены нәтиҗәләре уңаеннан юлланган соравына җавап биргәндә әйтте. Искәртеп узабыз, бүген Президент Халыкара хатын-кызлар бәйрәме уңаеннан республика һәм федераль гаммәви мәгълүмат чараларында эшләүче хатын-кызлар белән очрашты.

Президент фикеренчә, туган якка булышу программасы теге яки бу рәвешле оештырылырга тиеш, дип әйтеп булмый. Һәр кешенең бу эшкә омтылышын, теләген исәпкә алырга кирәк. "Бу күрсәтмә биреп эшләтә торган эш түгел. Әгәр дә мин: “Иптәшләр, сез үзегезнең авылыгызга кайтып, шуны-моны эшләгез”, - дисәм, ул дөрес булмый", - диде Президент. 

Мисал итеп, Рөстәм Миңнеханов мәктәпләргә ярдәм итү ысулын әйтте. "Әйтик, без мәктәпләргә ярдәмгә шул мәктәпләрдә укыган кешеләрне җәлеп итәбез", - диде ул. Президент бала тудыру йортларына, авыр тормышлы авылдашларга ярдәм итәргә, авыл өчен бина салдыру, спорт мәйданчыклары оештыру һәм башка юнәлешләрдә эшләргә киңәш итте.  "Мин аны бик уңай, бик кирәк дип саныйм. Иманы булган кеше ул бу әйберне аңлый", - диде Миңнеханов.

Бу уңайдан журналистлар үрнәк геройларны табып, аларны гаммәви мәгълүмат чараларында күрсәтергә тиеш, дип саный Миңнеханов. 

КӨН ҮЗӘГЕНДӘ

Россия спорт өлкәсендә Латин Америкасы илләре белән хезмәттәшлек итәргә ниятли – министр

Россия һәм Уругвай спорт министрлары Самарада бүләкләр биреште.

25 июньнең төп вакыйгалары - фото һәм сылтамалар

2018 елда Татарстан бюджетын арттыру проекты имзаланды, Татаристика һәм тюркология югары мәктәбе гаризалар кабул итә, Уругвай футболда Россияне җиңде.

Рөстәм Миңнеханов 2018 елга Татарстан бюджетын 15,7 млрд сумга арттыру проектын имзалады

2018 елга бюджет кереме - 225 млрд сум, чыгымнар — 243 млрд сумны тәшкил итәчәк, дефицит 18,7 млрд сум булачак.

Уругвай 2030 елда чемпионат уздыру хокукы өчен көрәштә Россия ярдәменә өметләнә - Касерес

Уругвай дөнья чемпионатының 100 еллыгын билгеләп үтәргә җыена.

Чемпионат объектлары территорияләре санитар-экологик яктан тикшерелеп тора - А.Шадриков

Татарстан Экология министры Казанда сулыкларның да сыйфаты контрольдә булуын белдерде.