Татар дөньясы

"Татар штабы" төбәкләрдәге татарлар арасында элемтә булмауның сәбәбен ачыклый

Рөстәм Ямалиев милли активистлар арасында элемтә аз булуны ачыклау максаты белән, Мәскәүдә махсус утырыш оештыра.
05.03 16:35

(Казан, 5 март, “Татар-информ”, Динә Йосыпова). "Татар штабы" төбәкләрдәге татарлар арасында элемтә булмауның сәбәбен ачыкларга җыена. Шул сәбәпле, “Татар штабы” клубында 7 мартта “Уртак фикер” дигән сигезенче Түгәрәк өстәл узачак. Бу хакта “Татар-информ” хәбәрчесенә Мәскәүдәге “Татар штабы” клубы координаторы Рөстәм Ямалиев әйтте.

Утырышта катнашучылар Россия төбәкләренә үзара элемтә җитмәү, татарларның читтә калуы, татар теленең бүгенге хәле турында фикерләшәчәк.

Рөстәм Ямалиев чишелергә тиешле өч төп мәсьәләне әйтте. “Татар штабы” клубы координаторы сүзләренчә, бу утырышта нигә Россия төбәкләренең татарлары арасында элемтә юк, нигә Казан татарларыннан кала, башка төбәк татарлары бу очракта берләшү өчен берни дә эшләми дигән сораулар тиз вакыт эчендә чишелергә тиеш.

Шулай ук, Рөстәм Ямалиев Башкортстандагы меңнән артык татарны “Татар штабы” клубына кертү, теркәү нияте турында әйтте. Бу - өченче төп мәсьәлә.

7 мартта узачак утырышта татар язучылары Ринат Мөхәммәдиев белән Нәзифә Кәримова катнашачак. Рөстәм Ямалиев әйтүенчә, һәр утырыштан соң, кино төшереләчәк һәм интернетка куелачак.

“Утырышлардан соң, килгән 60-80 кешенең һәммәсе дә дәртләнеп китәргә тиеш”, - дип әйтте Рөстәм Ямалиев.

“Уртак фикер” дигән сигезенче Түгәрәк өстәл утырышы 7 мартта “Татар штабы” клубында була. Башлана: 19 00.

 

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.