Дин

Татарстан Президенты республиканың дини берләшмәләре лидерлары белән очрашты

Чара традицион рухи кыйммәтләрне ныгыту өлкәсендә дәүләт һәм диннәр хезмәттәшлеген үстерүнең, социаль хезмәт итүнең актуаль мәсьәләләренә багышланды.
05.03 16:44

(Казан, 5 март, "Татар-информ"). Бүген Татарстан Республикасы Президенты Рөстәм Миңнеханов Казан Кремлендә республиканың традицион дини берләшмәләре вәкилләре белән очрашты. Бу турыда Татарстан Президенты матбугат хезмәте хәбәр итә.

Очрашу дини берләшмәләр лидерлары инициативасы буенча уздырылды һәм традицион рухи кыйммәтләрне ныгыту өлкәсендә дәүләт белән диннәр хезмәттәшлеген үстерүнең һәм социаль хезмәт итүнең актуаль мәсьәләләренә багышланды. Дини лидерлар Татарстан Президентына хәйрия эшчәнлеге һәм гаилә һәм никах институтын ныгытуга юнәлгән социаль хезмәтләрне оештыру, сәламәт яшәү рәвешен пропагандалау, инвалидлар һәм халыкның социаль якланмаган төркемнәре проблемларына җаваплы мөнәсәбәт формалаштыру тәҗрибәсе турында сөйләделәр.

Очрашуда катнашучылар диннәр үсеше өчен, җәмгыятьнең рухи һәм әхлакый яңарышы өчен илдә һәм республикада уздырылучы иҗтимагый-сәяси курсны бертавыштан хуплауларын белдерделәр. Киләчәктә дә төрле өлкәләрдә дәүләт белән диннәр хезмәттәшлеген ныгытуның һәм камилләштерүнең, гражданлылыкны һәм патриотизмны ныгытуның, төрле радикализм күренешләренә каршы торуның, республикада тынычлыкны һәм татулыкны, традицион һәм рухи кыйммәтләрне саклауның мөһимлеге һәм зарурлыгы ассызыкланды.  

Очрашуда Татарстан Республикасы Мөселманнары диния нәзарәте рәисе мөфти Камиль хәзрәт Сәмигуллин, РПЧнең Татарстан митрополиясе башлыгы Казан һәм Татарстан митрополиты Феофан (Иван Ашурков), Казан һәм Вятка Рус Православие иске обряд чиркәве епискобы Евфимий (Евгений Дубинов), Татарстан Республикасының һәм Казанның баш раввины Ицхак Горелик һәм Рим-католик чиркәвенең Казандагы Воздвижение Святого Креста приходы настоятеле Андрей Старцев катнашты.

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.