Икътисад

Татарстанда балалар поликлиникаларын яңарту өчен 183 миллион сум бирәләр

Россиядә балалар сәламәтлек саклау системасын яңартуга Россия Хөкүмәте резерв фондыннан барлыгы 10 миллиард сум бүлеп биреләчәк.
06.03 13:36

(Казан, 6 март, «Татар-информ»). 2018 елда Татарстанда балалар поликлиникаларын яңарту өчен 183 миллион сум акча биреләчәк. Шул хактагы боерык Россия Хөкүмәте порталында чыкты.

Балалар поликлиникалары һәм поликлиника бүлекләренә медицина җиһазлары алу өчен, Россия Хөкүмәте резерв фондыннан барлыгы 10 миллиард сум бүлеп биреләчәк.

Акчалар Россиядә яңа туган сабыйлар һәм балалар үлемен киметүгә юнәлдерелгән «Балалар поликлиникалары һәм медицина учреждениеләре поликлиника бүлекләренең матди-техник базасын үстерү» программасы кысаларында бүлеп бирелә.

2018-2020 елларда балаларның сәламәтлеген саклау системасын яңарту өчен Россия Хөкүмәте резерв фондыннан 30 миллиард сум акча бүлеп бирү күздә тотыла. 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.