Рәсми Татарстан, Җәмгыять

Рөстәм Миңнеханов төзекләндерелгән циркта беренче тамашачы кемнәр булачагын әйтте

Татарстан Президенты республика хатын-кызларын 8 Март бәйрәме белән тәбрикләде.
06.03 13:45

(Казан, 6 март, “Татар-информ”, Гөлнар Гарифуллина). Бик тиздән реконструкциядән соң, цирк янә үз ишекләрен ачып җибәрәчәк. Яңа циркта беренче тамашачылар кемнәр булачагын бүген Татарстан Президенты Рөстәм Миңнеханов игълан итте. Бу хакта ул бүген М.Җәлил исемендәге Татар дәүләт опера һәм балет театрында 8 Март - Халыкара хатын-кызлар бәйрәменә багышланган тантанада әйтте.

“Бүген шушы матур бинага якынлашып килүче 8 Март бәйрәме белән котларга чакырдык сезне. Әлбәттә, сез безнең өчен үрнәк. Гаиләләрегездә балалар күп. Без шундый гаиләләрне үрнәк итеп күрсәтәбез. Сезнең белән горурланабыз, рәхмәт әйтәбез. 16 март көнне сезнең балаларыгызны яңа, төзекләндерелгән циркка чакырабыз. Балаларыгыз Казанга килеп, төзекләндерелгәннән соң ачылган циркта беренче тамашачылар булачак”, - дип белдерде Рөстәм Миңнеханов. Президент тантана кунакларына исәнлек-саулык теләде.

Бүген театр бинасында Россия Президентының Идел буе федераль округындагы Тулы вәкаләтле вәкиле Михаил Бабич һәм Татарстан Президенты тәрбиягә балалар алган, үзләре күпләп бала тудырган аналарны, призерларның әниләрен тәбрикләделәр.

 

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.