Сәясәт, Авыл

Михаил Бабич, Россия Президентын сайлауга Татарстан югары дәрәҗәдә әзер, дип бәяләде

Россия Президентының Идел буе федераль округындагы Тулы вәкаләтле вәкиле Татарстанда сайлау кампанияләренең уңышлы булуының сәбәпләрен атады.
06.03 14:23

(Казан, 6 март, “Татар-информ”, Гөлнар Гарифуллина). Татарстанда Россия Президентын сайлауга әзерлек югары дәрәҗәдә оештырылган. Традицион рәвештә Татарстан сайлауларда югары активлык, югары нәтиҗәләр күрсәтә. Бу хакта бүген Казанда журналистларга Россия Президентының Идел буе федераль округындагы Тулы вәкаләтле вәкиле Михаил Бабич әйтте.

Ул, Россия Президенты Владимир Путиннның, барлык дәрәҗәдәге дәүләт һәм муниципаль хакимиятләр алдында сайлау өчен шартлар тудырырга кушканлыгын хәбәр итте. Илбашының гадел, лаеклы, ачык сайлаулар уздыру бурычын куйганын билгеләп үтте. “Һәр гражданинга уңайлы режимда сайлау участогына килеп, Президентлыкка үз кандидаты өчен тавыш бирә алырлык шартлар булырга тиеш. Административ басым, хилафлыклар булмаска, барлык куркынычсызлык мәсьәләләре тәэмин ителергә тиеш”, - диде Михаил Бабич. Аның әйтүенчә, Татарстан бу мәсьәләләрдә сайлауларга тулысынча әзер.

“Бүген киңәшмә үткәреп, бу эшнең барлык юнәлешләрен карадык. Сайлау комиссияләре, сайлау участоклары әзерлеге, иминлекне, гадәттән тыш хәлләр хезмәтләре эшен оештыру ягыннан да. Бу юнәлештә республика югары дәрәҗәдә әзер. Татарстан өчен бу хас әйбер. Традицион рәвештә, Татарстан сайлауларда югары активлык, югары нәтиҗәләр күрсәтә. Чынлыкта исә, бу төбәк хакимиятләренең зур эшчәнлек нәтиҗәсе. Чөнки тиз генә оештыра торган эш түгел бу. Эш йә алып барыла, йә юк. Йә көн саен хакимиятнең мөнәсәбәтен һәм төрле көнүзәк проблемаларны хәл итүгә игътибарын тоялар, йә инде бу юк. Һәм барлык мәсьәләләрне дә шундук хәл итеп булмый. Могҗизалар булмый, беркемнең дә тылсымлы таягы юк. Әмма хакимиятнең халыкка йөз белән борылуы, кешеләрне ишетүе, төрле көнкүреш һәм стратегик проблемаларны хәл итүгә омтылышы көн кебек ачык. Татарстан үткәргән уңышлы сайлау кампанияләренең җирлеге нәкъ менә шунда”, - дип ассызыклый Бабич.

Россия Федерациясе Президентын сайлау 18 март көнне узачагын искәртик.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.