Сәясәт

В.Шәйхразиев: Төбәкләрдә яшәүче татарлар Президент сайлауларында актив катнашырга әзерләнә

Милли Шура рәисе федераль округларда татар иҗтимагый оешмалары җитәкчеләре белән уздырган киңәшмәләренә нәтиҗә ясады.
06.03 15:57

(Казан, 6 март, "Татар-информ", Алсу Исмәгыйлева). Россиянең һәр федераль округында яшәүче татарлар 18 мартта Россия Федерациясе Президентын сайлауда актив катнашырга әзерләнә. Бу хакта "Татар-информ" хәбәрчесенә Татарстанның премьер-министры урынбасары, Бөтендөнья татар конгрессы Милли Шура рәисе Васил Шәйхразиев белдерде. Бу нәтиҗәне ул федераль округларда татар иҗтимагый оешмалары җитәкчеләре белән уздырган киңәшмәләре нигезендә ясаган. 

Искәртеп узабыз, быел 7 февральдә Милли Шура Президиумы татар халкын 18 мартта Президент сайлауларында актив катнашырга чакырып, мөрәҗәгать кабул итте. "Президент сайлаулары күпмилләтле Россия Федерациясе гражданнарын берләштерүче, халкыбызның бердәмлеген күрсәтүче төп фактор булып тора. Без барыбыз да төрле, әлбәттә, безнең сәяси карашлар һәм фикерләребез дә төрле булырга мөмкин. Әмма без барыбыз да бер мәсьәләдә бердәм: без барыбыз да Ватаныбызның һәм анда яшәүче халыкларның матур яшәвен телибез. Аның халыкларының чәчәк атуын телибез. Һәм безнең бу бердәм омтылышыбыз сайлау кампаниясендә актив катнашуда чагылырга тиеш. Сайлаулар ул - халкыбызның милли үзаңы формалаша торган гражданлык активлыгының зур мәктәбе. Бөтендөнья татар конгрессы сезне барыгызны да илебезнең һәм халкыбызның югары мәнфәгатьләре хакына Россия Федерациясе Президенты сайлауларында актив катнашырга чакыра", - диелә мөрәҗәгатьтә.

Президиум утырышыннан соң, Васил Шәйхразиев һәр федераль округтагы татар иҗтимагый оешмалары җитәкчеләре һәм төбәкләр җитәкчеләре белән очрашып чыкты. "Һәрбер очрашу вакытында татар автономияләре җитәкчеләре Президент сайлауларына әзерлек барышы белән кызыксынып, сораулар бирде һәм тәкъдимнәрен әйтте, Милли Шура Президиумы мөрәҗәгате турында хәбәрдар булуларын һәм аны кабул итүләрен белдерде. 18 мартта төбәкләрдә яшәүче татарлар үзләре, гаиләләре, оешмалары, дуслары белән сайлауга киләчәкләрен, башка милләт халыкларын да сайлауларда катнашырга өндәячәкләрен әйтте. Сайлауларның зур сәяси процесс булуын, аларның ил киләчәге өчен кирәк булуын аңлауларын белдерделәр, актив эшләячәкләренә инандырдылар", - диде Милли Шура рәисе.

"Узган атнада Казанда Бөтенроссия авыл эшмәкәрләре җыенының пленар утырышында Татарстан Президенты Рөстәм Миңнеханов та татар халкын Россия Федерациясе Президентын сайлауларда актив катнашырга өндәде. Миңнеханов милләттәшләребез тарафыннан бөтен татарларның Президенты буларак кабул ителә", - дип искәртте Шәйхразиев.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.

Татарстан мәчетләрендә татар телен өйрәнү курслары башлана

Курсларны уздыру вакыты озайтыла: белем бирү дәвамлылыгы элеккечә 3 айга түгел, ә ярты елга исәпләнгән.