Фән һәм мәгариф

Рафис Борһанов: Тел укыту мәсьәләсендә барысын да тыныч кына хәл итәчәкбез

Бүген Мәгариф өлкәсендә күзәтчелек һәм контроль департаментының коллегия утырышы узды.
06.03 16:36

(Казан, 6 март, "Татар-информ", Рузилә Мөхәммәтова). Татарстан Республикасы Мәгариф һәм фән министры Рафис Борһанов тел укыту мәсьәләсендә барысын да тыныч кына хәл итәчәкбез, дип белдерде. Бүген Мәгариф өлкәсендә күзәтчелек һәм контроль департаментының коллегия утырышы алдыннан,  Рафис Борһанов мәктәпләрдә тел укыту мәсьәләләре буенча министр вазифасындагы беренче комментариен бирде.

“Татар телен укыту процессы республика һәм федераль законнар белән тәңгәлләштерелә. Бу компромисс түгел, бу нормаль чишелеш. Төрле фәннәр белән дә төрле хәлләр килеп чыгарга мөмкин. Бүген – тел, иртәгә - математика, берсекөнгә - химия... Мин моны мәгариф тармагын күздә тотып әйтәм, - диде ул журналистларга коллегия утырыш алдыннан. - Без барысын да сабыр гына ачыклыйбыз. Бернәрсәне дә җимермибез. ФГОС нигезендә укыту планнарын эшлибез. Бүгенге законнарга нигезләнеп педагогик җәмәгатьчелек белән, ата-аналар белән һәм укучылар советлары белән киңәшләшәбез. Безнең 25-26 тел икенче дәүләт теле булып тора. Без чишелеш табачакбыз”.

Искәртеп узабыз, бүген Белем сыйфатын мониторинглау республика үзәгендә Мәгариф өлкәсендә күзәтчелек һәм контроль департаментының "Татарстан Республикасы буенча Мәгариф тармагында контроль-күзәтчелек эшчнлегендә өстенлекле юнәлешләр һәм 2017 елга йомгаклар" темасына коллегия утырышы узды. Утырышта Мәгариф һәм фән тармагында күзәтчелек буенча федераль хезмәт җитәкчесе урынбасары Анзор Музаев, Федераль хезмәтнең ике идарәсе башлыгы - Россия субъектлары башкарма хакимият органнары эшчәнлеген күзәтү һәм контроль идарәсе башлыгы Евгений Семченко һәм Гомуми мәгариф сыйфатын бәяләү идарәсе башлыгы Игорь Круглинский катнаша. Төп докладны Департамент җитәкчесе - Татарстан Республикасы мәгариф һәм фән министры урынбасары Гөлнара Габдрахманова ясады.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.