Рәсми Татарстан

Путин конструктор Илдус Мостюковны 90 яшьлек юбилее белән котлады

Россия Президенты юбилярның илнең инженерлык мәктәбенә керткән саллы өлешен билгеләп узды.
06.03 16:53

(Казан, 6 март, “Татар-информ”). Россия Президенты Владимир Путин “безнеке-читнеке” тану системасын булдыручыларның берсе, Социалистик Хезмәт Герое конструктор Илдус Мостюковны 90 яшьлеге белән котлады.

Дәүләт башлыгы котлау телеграммасында юбилярны “тәҗрибәле җитәкче һәм талантлы конструктор, уникаль "Пароль" дәүләт радиолокацион тану системасын булдыручы” буларак билгеләп үткән.

“Сезнең ватаныбызның инженерлык, конструкторлык мәктәбенә, милли иминлекне ныгытуга керткән бик зур өлешегез соклану һәм хөрмәт тудыра”, - дип өстәгән Президент.

Путин 1999 елда нигез салынганнан бирле “Татарстан геройлары” оешмасын җитәкләүче Мостюковның хәйриячелек һәм иҗтимагый эшчәнлеге турында искәртеп узган.

Бүген Татарстан Президенты Рөстәм Миңнеханов Илдус Мостюковка Татарстанның “Дуслык” орденын тапшырды. Мостюков олы бүләккә озак еллар республика тормышында нәтиҗәле хезмәт куйган һәм актив иҗтимагый эшчәнлек алып барган өчен лаек булды.
 

КӨН ҮЗӘГЕНДӘ

25 апрельнең төп вакыйгалары - фото һәм сылтамалар

Миңнеханов Медведевка Татарстанның икътисади казанышлары турында сөйләде, Айрат Сибагатуллин ТНВ каналының коллективына тәкъдим ителде.

Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була

Татар дəүлəт филармониясе янындагы паркта Александр Ключарёв, Айрат Арсланов һəм Фуат Мансуров истəлегенə чыршылар утыртылды.

Галимҗан Гыйльманов: "Әдәби марафон" язучы өчен иң хәтәр тәнкыйтьче була ала

“Әдәби марафон” финалистларын бүләкләү кичәсендә язучылар үзләренең укучыларга мохтаҗ булуларына басым ясады.

“Әдәби марафон” бәйгесенең өченче финалына үтүчеләрнең 99 проценты хатын-кыз

Финалга үткән 82 кеше арасындагы бердәнбер ир-ат - бәйгене оештыручы Раил Гатауллин.