Фән һәм мәгариф

Рособрнадзор бер генә милли тел дә кыерсытылмаячак, дип вәгъдә итә

Тел мәсьәләсен уртага салып сөйләшә торган зур федераль киңәшмәләр әзерләнә.
06.03 18:11

(Казан, 6 март, "Татар-информ", Рузилә Мөхәммәтова). Ике телле республикаларда телләр үсешен тәэмин итүгә юнәлтелгән зур федераль киңәшмәләр әзерләнә. Алар милли телләр проблемасын федераль дәрәҗәдә хәл итүгә юнәлтелә. Бу хакта бүген журналистларга Мәгариф һәм фән тармагында күзәтчелек буенча федераль хезмәт җитәкчесе урынбасары Анзор Музаев хәбәр итте.

Татарстан Республикасы буенча Мәгариф өлкәсендә күзәтчелек һәм контроль департаментының "Татарстан Республикасы буенча Мәгариф тармагында контроль-күзәтчелек эшчәнлегендә өстенлекле юнәлешләр һәм 2017 елга йомгаклар" темасына коллегия утырышы алдыннан Мәгариф һәм фән тармагында күзәтчелек буенча федераль хезмәт җитәкчесе урынбасары Анзор Музаев һәм Татарстан Республикасы Мәгариф һәм фән министры Рафис Борһанов журналистларның сорауларына җавап бирделәр. Журналистлар, республика мәктәпләрендә Рособрнадзор тикшерүләре үтүен истә тотып, республикада татар телен укытуга кагылышлы сораулар бирделәр.

“Бездә теге яки бу дәрәҗәдә укыту проблемалары ачыкланган милли республикалар бар, - диде Анзор Музаев. - Президент йөкләмәсе буенча бик күп төбәкләрдә тикшерүләр уздырдык. Шул исәптән, Үзәк федераль округта да тикшерүләр узды. Биредә азчылык булган милләтләргә үзләренең туган телләрендә белем алу мөмкинлеге тудырылмаганлыгы ачыкланды. Һәр регион тиешле кисәтүен алды”.

“Безнең төп тезис – безнең рус теле бар, ул милләтләрне берләштерүче булып тора, әмма ул республиканың милли телләренең статусын киметми. Һәр милли тел Россиянең зур байлыгы булып тора, - дип билгеләде ул. - Тел мәсьәләсен уртага салып сөйләшә торган зур федераль киңәшмәләр уздырылачак. Без ике телле республикалар өчен, рус телендә дә, туган телдә дә белем алу мөмкинлеге тудырырлык нормаль үсеш векторын билгеләячәкбез. Без әле шушы юлның башында гына. Бер милләт тә, тел дә кыерсытылмаячак”.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.