Татар дөньясы

Төмәндәге мәдрәсә-мәктәпкә йөз ел тулган

Мәктәптә белем-тәрбия алган укучылар, ветеран укытучылар Россиянең төрле почмагыннан Ямбай авылына җыелышкан.
07.03 08:33

(Казан, 7 март, "Татар-информ"). Төмән районы Ямбай авылындагы мәдрәсә-мәктәпнең эшли башлавына 100 ел һәм яңа мәктәп бинасына 50 ел тулу уңаеннан, 3 мартта Ямбай авылы мәдәният йортында очрашу кичәсе узды, дип хәбәр итә Төмән татарларының "Яңарыш" сайты.

Чарага бу мәктәптә белем-тәрбия алган укучылар, ветеран укытучылар Россиянең төрле почмагыннан җыелышкан. Алар башта мәктәптә булган, кабинетлар буйлап йөргән, музейны караган, аннары мәдәният йортында узган тантаналы чарада катнашкан.

"Тантанада район, авыл хакимияте вәкилләре һәркемне шатлыклы көн белән котлап, укытучылар коллективына Рәхмәт хатлары, Мактау кәгазьләре һәм истәлекле бүләкләр тапшырдылар. Шулай ук кунакларга вафат булган укытучылар, укучыларны барлаган видеофильм тәкъдим ителде. Аны үзенең чиксез хөрмәтен белдереп һәркем аягүрә басып карады. Чыгышлар мәктәп укучыларының җыр-биюләр белән бизәлеп барды", дип әйтелгән әлеге хәбәрдә. 

Чара башланганчы кунаклар сыйныфташлары белән күрешкән, фойеда укучыларның кул эшләре, рәсемнәреннән оештырылган күргәзмә белән танышкан.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.