Дин

Кырым һәм Севастополь имамнары башкарган эшчәнлекләре хакында хисап тотты

Очрашу барышында җир мәсьәләсен чишүдә юридик консультация бирелде.
07.03 16:48

(Казан, 7 март, “Татар-информ”). Кырым һәм Севастополь мөселманнары Диния нәзарәтендә Кырым мөфтиләренең район имамнары белән айлык очрашулары узды. Бу хакта Россия мөселманнары Диния нәзарәте сайтында хәбәр ителә.

Очрашуда имамнар башкарган эшчәнлекләре хакында хисап тотты. Биредә шулай ук хәл ителергә тиешле мәсьәләләр көн тәртибендә булды. Аерым алганда, Ялтадагы ("Ай-Васил") мәчетендә җир мәсьәләсе кузгатылды.

Очрашу барышында дин эшлеклеләре район һәм авыл мәчетләре китапханәләрен Кырым мөселманнары Диния нәзарәтендә басылган дини һәм хәзерге китаплар белән тулыландыру тәкъдим ителде.

Кырым мөфтие Әмирал Аблаев Кырым татарлары берлеге эшли башлавын һәм республика башлыгы карамагында консультатив совет төзеләчәген җиткерде.

Район имамнары очрашуында Дәүләт Думасы депутаты Руслан Бальбек катнашты. Ул имамнарга кайсы торак пунктларда спорт мәйданчыклары төзелүен һәм кайда тагын төзеләчәге турында хәбәр җиткерде.

Очрашу барышында шулай ук җир мәсьәләсен чишүдә юридик консультация бирелде.
 

КӨН ҮЗӘГЕНДӘ

Продюсер Миләүшә Айтуганова ике хатынлылык темасына фильм төшерергә җыена

«Татаркино» Гаяз Исхакыйның «Остазбикә» әсәре мотивлары буенча фильмга кастинг уздыра.

“Татар кызы – 2018” бәйгесенең финал этабын “Татар-информ” онлайн күрсәтә

Бәйге бүген, 20 июнь көнне, 18.30 сәгатьтә Филармония концертлар залында үтәчәк.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Футбол буенча дөнья чемпионатының мәдәни программасы: Казан Кремле

Чемпионат чорында музей-тыюлык территориясендә музыкаль фестивальләр һәм күргәзмәләр узачак.

14 июльдә "Керәшен чибәре-2018" билгеле булачак

Конкурс Мамадыш районы Җөри авылында - Питрау бәйрәме кысаларында үткәреләчәк.