Хәвеф-хәтәр

Татарстанда бензовоз трассадан юл кырыена төшеп киткән

Һәлакәт бүген иртән Иске Кормаш авылыннан ерак түгел урында килеп чыккан.
07.03 17:22

(Казан, 7 март, “Татар-информ”). Татарстанда бензовоз трассадан юл кырыена төшеп киткән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Һәлакәт турында хәбәр бүген иртән 112 экстрен хезмәте номерына килгән. “Мерседес” бензин ташу машинасы Иске Кормаш авылыннан ерак түгел урында юл кырыена төшеп киткән.

Гадәттән тыш хәл булган урынга 103 нче янгын сүндерү-коткару часте хезмәткәрләре килеп җиткән. Алар оператив рәвештә һәлакәткә очраган автоцистернаның аккумуляторын сүндергән, ягулык түгелмәгәнлеген тикшергән. Һәлакәт җитди булса да, цистернага зыян килмәгән.

Юл-транспорт һәлакәтендә бензовоз йөртүченең күкрәк читлеге бәрелгән.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.