Татар дөньясы

Төмәндә туган тел укытучылары тәҗрибә уртаклашты

Укучылар җырлады, биеде, милли уеннар уйнады, рәхәтләнеп татарча сөйләште, дип хәбәр итә Төмән татарлары сайты.
07.03 18:25

(Казан, 7 март, "Татар-информ"). 2 март көнне Төмән районының татар теле һәм әдәбияты укытучылары Каскара мәктәбенә семинарга җыелып, тәҗрибә уртаклашкан. Акъяр, Индрәй, Муллаш, Талымхан, Ямбай, Шыкча, Каскара мәктәпләренең татар теле укытучылары гына түгел, ә башлангыч сыйныф мөгаллимнәре дә килгәннәр иде, дип хәбәр итә Төмән татарларының "Яңарыш" сайты.

“Яңа стандартлар нигезендә заманча укыту” дигән темага яшь укытучылар - Әлфинур Бакиева һәм Зөһрә Риханова рус hәм татар әдәбиятын чагыштырып ачык дәрес күрсәттеләр. “Әбиемә бүләккә” дигән класстан тыш чараны Вәсилә Әлмукова оештырган. Биредә укучылар әбиләрен бүләкләделәр, җырладылар, биеделәр, милли уеннар уйнадылар, рәхәтләнеп татарча сөйләштеләр, дип әйтелгән әлеге хәбәрдә.

Түгәрәк өстәл артында Талымхан мәктәбе укытучылары Эльмира Садыйкова мастер-класс, Гөлфирә Сагетдинова “Яңа стандартлар нигезендә татар телен заманча укыту” дигән темага эчтәлекле чыгыш ясады. Кунаклар дәресләргә зур бәя бирделәр”, - дип сөйләгән район татар теле һәм әдәбияты укытучылары методик берләшмәсе җитәкчесе Гүзәлия Муллачанова.

Мөгаллимнәр уку елында башкарылган эшләр белән уртаклашкан, яңа эшләр турында сөйләшкән.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.