Дин

Казан балаларын Коръән укуда көч сынашырга чакыралар

Әлеге чарада Казан шәһәрендә яшәүче 7-15 яшьлек малайлар катнаша ала һәм алар өч номинация буенча белемнәрен сынаячак.
08.03 09:14

(Казан, 8 март, "Татар-информ"). Казан шәһәренең “Госмания” урта гомуми белем бирү мәктәбендә Коръән укучылар арасында шәһәркүләм конкурс оештырылачак. Бу хакта Диния нәзарәте матбугат хезмәте хәбәр итә.

Әлеге чарада Казан шәһәрендә яшәүче 7-15 яшьлек малайлар катнаша ала һәм алар өч номинация буенча белемнәрен сынаячак: кыска сүрәләрне белү (93-114 нче сүрәләр); бер җүз (“Гаммә” җүзе) һәм ике җүз (“Тәбарәк” сүрәсенә кадәр) белү.

Барлык конкурсантлар сайлап алынган номинациягә туры килергә һәм Коръәнне тәҗвид кагыйдәләре белән укый белергә тиеш. Катнашучы бары бер номинация буенча чыгыш ясый ала.

Гаризалар 2018 елның 23 мартына кадәр Казан шәһәре, Муса Бигиев урамы, 38 нче йорт, “Госмания” мәктәбе адресына яисә ilsur_fatykhov@mail.ru электрон почтасына кабул ителә. Документта номинация исемен, катнашучының тулы исем-фамилиясен, баланың яшен һәм белем алучы мәктәп исемен күрсәтү таләп ителә.

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.