Дин

Россиядә мөселманнарның саны 25 миллионга җитте

Россия Мөфтиләр шурасы рәисе Россиядәге исламның үзенчәлекләре хакында сөйләде.
08.03 09:52

(Казан, 8 март, «Татар-информ»). Россиядә мөселманнарның саны 25 миллион кешегә җитте һәм артуын дәвам итә. Россия Мөфтиләр шурасы рәисе шәех Равил Гайнетдин Төркиянең «Анадолу» агентлыгына биргән интервьюсында шулай дип белдерде.

Аның сүзләренчә, мөселманнарның саны Үзәк Азиядән күчеп килүчеләр хисабына гына түгел, ә мөселман гаиләләрендә туучылар күп булу аркасында да арта. Моннан тыш, мөселманнар арасында гомер озынлыгы да артыграк, диде Россия Мөфтиләр шурасы рәисе.

Мөселманнарның саны халык исәбен алу бырышында ачыкланган. Шулай ук әлеге статистиканы милли-мәдәни автономияләр, мөселман дини оешмалары һәм мәчетләр дә күзәтә, диде Равил Гайнетдин.

Мөселманнарның күбесе Мәскәү төбәгендә һәм Санкт-Петербург, Екатеринбург кебек зур мегаполисларда яши. Алар шулай ук бердәм Россия дәүләте оешканга кадәр ислам илләре (Әстерхан, Казан, Кырым, Касыйм, Ногай ханлыклары) урнашкан төбәкләрдә дә күп. Бу – хәзерге Татарстан, Башкортстан республикалары, Төньяк Кавказ территорияләре, диде мөфти.

Мөселманнар Россиянең төп халкы санала. Биредә 58 халык, милләт һәм этнос ислам динен тота, диде Гайнетдин.

Мөфти исламның 922 елда хәзерге Россия территориясендә урнашкан Идел буе Болгарстанында дәүләт дине булуын искәртте. Шулай ук Россия исламының башка диннәр һәм традицияләргә карата хөрмәт белән каравын әйтте. 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.