Икътисад

Казанда 8 Март уңаеннан алынган бүләкләрнең уртача чегы 2900 сум тәшкил иткән

Татарстан башкаласында бәйрәм уңаеннан иң күп сатып алынган бүләкләр рейтингында кием-салым беренче урынны били.
08.03 11:12

(Казан, 8 март, «Татар-информ»). Быел Казанда 8 Март – Халыкара хатын-кызлар көне уңаеннан алынган бүләкләрнең уртача чегы 2900 сум тәшкил иткән. 2017 елда ул бераз кимрәк – 2200 сум булган.

«Яндекс. Касса» аналитиклары казанлылар тарафыннан 8 Мартка алынган бүләкләр рейтингын төзегән. Биредә «Яндекс.Касса» аша түләү турындагы мәгълүматлар исәпкә алынган. Әлеге хезмәттән дөньядагы 75 меңнән артык сайт файдалана. 2018 елның 1-5 марты һәм 2017 елның шул ук чорындагы түләүләрне чагыштырганнар.

Чәчәкләр бәйләмен исәпкә алмаганда, бәйрәм уңаеннан иң күп сатып алынган бүләкләр рейтингында кием-салым – беренче, косметика һәм парфюмерия – икенче, йорт һәм дача өчен товарлар өченче урынны били.

Зәркән бизәнү әйберләре һәм бижутерия өчен уртача чек бәясе – 7800 сум (2017 елда – 6600), смартфоннар, гаджетлар һәм көнкүреш техникасы өчен – 5500 сум (3400), йорт һәм дача өчен товарлар – 3000 сум (1300), косметика һәм парфюмерия өчен 2900 сум (2500) тәшкил итә.

Узган ел белән чагыштырганда, интернет-кибетләрдә косметика һәм парфюмериягә сорау – җиде, смартфоннар һәм көнкүреш техникасына – дүрт, кәнфитләр һәм бүләк кәрзиннәренә ике тапкыр арткан. 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.