Спорт

“Ак Барс” Хабаровскида җиңү яулады

Казан командасына Гагарин Кубогы плей-оффының икенче раундына чыгарга тагын бер җиңү кирәк.
08.03 13:18

(Казан, 8 март, "Татар-информ", Алмаз Шиһабетдинов). Бүген Казанның "Ак Барс" хоккейчылары Континенталь хоккей лигасының 2017 - 2018 елгы сезонында плей-оффтагы дүртенче матчын уздырды.

Зиннәтулла Билалетдинов шәкертләре Көнчыгыш конференция 1/4 финал раундында Хабаровскиның “Амур” командасы белән очраша. Дүртенче матч “Ак барс” файдасына 1:3 исәбе белән тәмамланды.

Уенның 12 минутында Ак Барс сакчысы Василий Токранов исәпне ача. Икенче периодның беренче өлешендә Джастин Азеведо өстенлекне ике тапкырга арттыра. Өченче периодта хуҗалар инициативаны үз кулына алырга тырышты һәм бер гол кертә алдылар. Татар тамырлары булган Станислав Галиев уенга нокта куя. Исәп – 1:3. Сүз уңаенннан, Станислав Галиевның плей-оффта 3 алкасы исәпләнә. Бу “Ак Барс” командасының иң яхшы күрсәткече.

Шулай итеп, плей-оффтагы өстенлек "Ак Барс" файдасына – 3:1. Киләсе матч 10 март көнне 17:00 сәгатьтә Казанда узачак.

“Амур” (Хабаровск) – “Ак Барс” (Казан) – 1:3 (0:1, 0:1, 1:1).

Алкаларны Кирилл Рассказов (48), Василий Токранов (12), Джастин Азеведо (26), Галиев (52) кертте.
 

КӨН ҮЗӘГЕНДӘ

Продюсер Миләүшә Айтуганова ике хатынлылык темасына фильм төшерергә җыена

«Татаркино» Гаяз Исхакыйның «Остазбикә» әсәре мотивлары буенча фильмга кастинг уздыра.

Футбол буенча дөнья чемпионатының мәдәни программасы: Казан Кремле

Чемпионат чорында музей-тыюлык территориясендә музыкаль фестивальләр һәм күргәзмәләр узачак.

“Татар кызы – 2018” бәйгесенең финал этабын “Татар-информ” онлайн күрсәтә

Бәйге бүген, 20 июнь көнне, 18.30 сәгатьтә Филармония концертлар залында үтәчәк.

Дөнья чемпионатында Россия җыелмасы Мисыр командасын җиңде

Россия җыелмасы тарихта беренче тапкыр вакытыннан алда финалның 1/8 этабына чыкты.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.