Дин

Апанай мәчетендә “Чакыру” китабының икенче басмасын тәкъдим итәчәкләр

Китап имамнарның куен дәфтәре урынын алырлык мәгълүматка ия.
08.03 13:44

(Казан, 8 март, «Татар-информ»). 13 мартта Казанның Апанай мәчетендә “Чакыру” китабының икенче басмасын тәкъдим итү узачак. Китапның авторы – Татарстан мөфтиятенең дагъват юнәлешен алып бару бүлеге җитәкчесе, Апанай мәчетенең имам-хатыйбы Нияз хәзрәт Сабиров. Бу хакта Диния нәзарәте матбугат хезмәте хәбәр итә.

Искә төшереп үтик, Нияз хәзрәтнең “Чакыру” китабының беренче басмасы 2012 елда дөнья күргән иде. Беренче җыентыкта 26 вәгазь, Мөхәммәд пәйгамбәрнең тормышы һәм эшчәнлеге, рухи-әхлакый аспектлар турында материаллар басылган иде. Нияз хәзрәтнең икенче хезмәте исә өч өлештән тора: хөтбәләр һәм аларның тәрҗемәләре, вәгазьләр һәм танылган татар дин әһелләренең тормышы һәм эшчәнлекләре турында мәкаләләр. Китап имамнарның куен дәфтәре урынын алырлык мәгълүматка ия.

«Чакыру» китабы имамнар эшчәнлегендә зур ярдәмче булыр, дип ышанабыз”, - ди автор үзе. 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.