Рәсми Татарстан

Бүген Миңнеханов Зәйдә элеваторда, яңартылган поликлиника һәм мәдәният сараенда була

Президентның эшлекле сәфәре көннең икенче яртысына планлаштырылган.
09.03 09:16

 (Казан, 9 март, "Татар-информ", Арсений Маврин). Бүген көннең икенче яртысында Татарстан Президенты Рөстәм Миңнеханов Зәй районына эшлекле сәфәр кылачак. ТР Хөкүмәте сайтында хәбәр ителгәнчә, Президентны биредә колачлы программа көтә.

Рөстәм Миңнеханов "Заман" сәнәгать паркы резиденты булган элеваторның әзерлек дәрәҗәсен караячак. Элеватор быел ноябрь аенда эшли башлар дип көтелә, анда 39 эш урыны булдырылачак, проектка 1,5 млрд сум акча юнәлдереләчәк.

Моннан тыш, Президент Р. Ш. Фәрлиев исемендәге мәдәният һәм ял паркына барып, СССРның атказанган спорт мастеры В.А. Бекасов истәлегенә үткәрелүче чаңгы буенча республика чемпионатының финалын караячак. Җиңүчеләрне бүләкләү Миңнеханов катнашында узачак.

Аннан соң Президент Зәй үзәк район хастаханәсенең балалар поликлиникасында булачак. Сәламәтлек саклау учреждениесендә күптән түгел капиталь ремонт төгәлләнде. Бу эшләр өчен республика 110 млн сум акча сарыф итте, аларның 41 млн сумы җиһазларны яңартуга тотылды.

Эшлекле сәфәренең азагында Миңнеханов "Энергетик" мәдәният сараенда булачак, биредә дә капиталь ремонт тәмамланды, аңа республика 100 млн сум акча тотты. Хәзер мәдәният сарае тулысынча яңартылган, биредә өч хореографик коллектив, бер вокал студиясе, рәсем сәнгате студиясе, концерт төркеме, инструменталь ансамбль һәм ветераннар хоры эшли. 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.