Рәсми Татарстан

Алабугада җылылык бәясен киметүгә ирешкән яңа газ-турбина станциясен бүген Президент карый

Газ-турбина җайланмасын эшләтү нәтиҗәсендә, җылылык энергиясен җитештерүнең үзкыйммәте 20 процентка, электр җитештерү бәясе 3 процентка кимегән.
09.03 10:22

(Казан, 9 март, “Татар-информ”, Арсений Маврин). Татарстан Президенты Рөстәм Миңнеханов Алабуга районына эшлекле сәфәр кыла. Республика башлыгы “Алабуга җылылык челтәрләре оешмасын” һәм электр көче 20 МВт, ә җылылык көче 33 МВт һәм 28 Гкал/с булган җылылык-электр станциясендәге яңа газ-турбина җайланмасын караячак. Бу хакта Татарстан Республикасы Хөкүмәте интернет-порталы хәбәр итә.

Җылылык энергиясен җитештерүнең үзкыйммәтен киметү максатыннан, газ-турбиналы яңа электр станциясе төзелеше турында карар 2017 елның февралендә кабул ителгән иде.
Комплекс һәрберсе 5 МВт көчле булган дүрт турбинаны һәм берсе-берсе 7 Гкал/с көчле дүрт котел-утилизаторны үз эченә ала. Шулай ук, газ-турбина җайланмасы комплексына ике басым компрессор станциясе дә керә.

Газ-турбина җайланмасын эшләтү нәтиҗәсендә, җылылык һәм электр энергиясен эшләп чыгаруны 60 һәм 40 процентка тәңгәлләштерүгә ирешкәннәр.

Җылылык энергиясен җитештерүнең үзкыйммәте 20 процентка, электр җитештерү бәясе 3 процентка кимегән. Бу җылылыкка тарифлар үсешен тоткарлый, Алабугада электр һәм җылылык белән тәэмин итүне эффектив һәм ышанычлы итә.

Газ-турбина электр станциясе төзелешенә керткән инвестицияләр якынча 1,3 млрд сум тәшкил итә. Станциядә эшләү өчен Алабуга җылылык-электр үзәге һәм ябык Урыссу гидро-электр станциясе белгечләре җәлеп ителгән.

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.