Хәвеф-хәтәр

Татарстанда янгында 52 яшьлек ир-ат һәлак булган

Фаҗига Түбән Кама районында килеп чыга.
09.03 17:28

(Казан, 9 март, «Татар-информ»). Татарстанда җитди янгында 52 яшьлек ир-ат һәлак булган дип хәбәр иттеләр “Татар-информ” агентлыгына Татарстанның Гадәттән тыш хәлләр министрлыгы Баш идарәсенең матбугат хезмәтендә. 

8 март көнне, кичке сәгать тугызлар тирәсендә №63 эзләү-коткару бүлегенең диспетчер пультына 112 бердәм номерыннан янгын турында хәбәр килеп ирешә. Түбән Кама районының Ключ Труда авылында йорт, мунча, сарай янган була.

Янгын сүндерүгә №63 эзләү-коткару бүлеге һәм “Шәңгәлче” ДПК хәзмәткәрләре килә. Фаҗига урынында янгын сүндерүчеләр кечкенә йорт, мунча һәм сарай янганын ачыклыйлар. Утның күрше йортларга да күчү куркынычы була.

Күршеләре янгын сүндерүчеләргә йортта кеше булырга мөмкинлеге турында әйтәләр.

Кичке сәгать унга янгын тулысынча сүндерелә. Янгын сүндерүчеләр фаҗига урынын карага керешәләр. Иртәнге алтыларда янган торакның иң ахыргы бүлмәсендә 52 яшьлек ир-атның янып беткән гәүдәсенә тап булалар. Һәлак булган ир йорт хуҗасының улы булырга тиеш дип фаразлана.

Янгын нәтиҗәсендә йорт, мунча һәм сарай янып көлгә әйләнә.

Беренчел мәгълүматлар буенча, янгынның сәбәбе – мичләрне эксплаутацияләүдә янгынга каршы куркынычсызлык кагыйдәләрен бозу.


 

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.