Спорт

Пхенчханда Паралимпия уеннары байрагы күтәрелде

Көньяк Кореянең Пхенчхан шәһәрендә Паралимпиада 9-18 март көннәрендә уза, Россия спортчылары нейтраль байрак астында катнаша.
09.03 16:01

(Казан, 9 март, “Татар-информ”). 2018 ел Уеннарын ачу тантанасында, Көньяк Кореянең Пхенчхан шәһәрендәге Олимпия стадионында Паралимпия байрагы күтәрелде. Бу хакта ТАСС агентлыгы хәбәр итә.

Паралимпия байрагы зур ак тукымага ясалган кызыл, зәңгәр һәм яшел төстәге өч ярымай сурәтеннән гыйбарәт. Ул беренче тапкыр 2004 елда Афинада Паралимпия уеннарын ябу тантанасында кулланыла. Agitos өч ярымае хәрәкәтне символлаштыра, әлеге символны Европадагы иң эре реклама агентлыгы Scholz & Friends эшли.

Флаг күтәргәндә башкарылган Паралимпия гимнын Hymn de l'Avenir ("Киләчәк гимны") композитор Тьерри Дарнис яза. Гимн Халыкара паралимпия комитеты белән 1996 елда раслана.

Россиянең Паралимпия комитеты читләштерү сәбәпле, Россия спортчылары Уеннарда рәсми байрак астында чыгыш ясый алмаячаклар. Халыкара паралимпия комитеты карары нигезендә россиялеләр Уеннарда паралимпия байрагы астында нейтраль статуста Россиядән килгән пралимпиячеләр буларак катнашалар. 2018-Уеннарында Россиядән барлыгы 30 спортчы катнаша.

Пхенчханда Паралимпиада 9-18 март көннәрендә уза.

КӨН ҮЗӘГЕНДӘ

25 апрельнең төп вакыйгалары - фото һәм сылтамалар

Миңнеханов Медведевка Татарстанның икътисади казанышлары турында сөйләде, Айрат Сибагатуллин ТНВ каналының коллективына тәкъдим ителде.

Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була

Татар дəүлəт филармониясе янындагы паркта Александр Ключарёв, Айрат Арсланов һəм Фуат Мансуров истəлегенə чыршылар утыртылды.

Галимҗан Гыйльманов: "Әдәби марафон" язучы өчен иң хәтәр тәнкыйтьче була ала

“Әдәби марафон” финалистларын бүләкләү кичәсендә язучылар үзләренең укучыларга мохтаҗ булуларына басым ясады.

“Әдәби марафон” бәйгесенең өченче финалына үтүчеләрнең 99 проценты хатын-кыз

Финалга үткән 82 кеше арасындагы бердәнбер ир-ат - бәйгене оештыручы Раил Гатауллин.