Рәсми Татарстан

Рөстәм Миңнеханов хезмәт хакын буенча бурычлыларга карата эшне көчәйтергә кушты

“Мәсьәләнең чишелешен табарга кирәк. Әлеге хәл прокуратура, министрлык җитәкчеләре, район башлыкларыннан җентекле игътибар таләп итә”,- диде ул.
09.03 16:25

(Казан, 9 март, "Татар-информ"). Бүген Татарстанның Хөкүмәт Йортында узган республика киңәшмәсендә Президент Рөстәм Миңнеханов хезмәт хакы буенча бурычларны бетерү максатыннан эшне активлаштырырга кушты. Бу хакта Президентның матбугат хезмәте хәбәр итә. 

Рөстәм Миңнеханов билгеләп үткәнчә, бүген бу мәсьәлә аерым контрольдә тора. Республиканың хакимият органнары эшчәнлеге нәтиҗәсендә хезмәт хаклары буенча бурычларны шактый киметүгә ирешелгән. Ләкин бу проблема хәзер дә кайбер оешмаларда саклана. “Мәсьәләнең чишелешен табарга кирәк. Әлеге хәл прокуратура, министрлык җитәкчеләре, район башлыклары тарафыннан җентекле игътибар таләп итә”,- дип өстәде Президент.

Рөстәм Миңнеханов бигрәк тә авыл хуҗалыгы тармагындагы бурычлары булганнарга игътибар итәргә кушты. Аерым алганда, сүз “Ак Барс Холдинг” оешмасы турында сүз бара. Татарстан Президенты, алга таба да хезмәт законнарын бозу очраклары булганда, компания җитәкчелеген җаваплылыкка тартырга кирәклеге билгеләп үтте. “Алга таба да болай дәвам итсә, җаваплылыкка тартыгыз. Һәрвакыт без кемдер атыннан чабып йөрмәячәкбез”, - дип белдерде Татарстан Президенты.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

"КАМАЗ-Мастер"ның өч йөк машинасы "Ефәк юлы-2018" автоузышының Кытай этабында катнашачак

Сиань - Алашань - Цзоци маршруты буенча "Ефәк юлы-2018" раллиеның икенче этабы 23 сентябрьдә башлана һәм 28 сентябрьдә тәмамлана.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.