Рәсми Татарстан

Президент “Салават күпере”ндәге сыйфатсыз торак турындагы шикаятьләрне тикшерергә кушты

Комплекста яшәүчеләр төзелеш эшләренең сыйфатсыз башкарылуына дәгъва белдерә.
09.03 17:17

(Казан, 9 март, "Татар-информ"). Татарстан Президенты Рөстәм Миңнеханов “Салават күпере” торак комплексында яшәүчеләрдән килгән шикаятьләр буенча махсус тикшерү оештырырга кушты. Комплекста яшәүчеләр төзелеш эшләренең сыйфатсыз башкарылуына дәгъва белдерә. Бу хакта бүген Рөстәм Миңнеханов Татарстанның Хөкүмәт Йортында уздан республика киңәшмәсендә белдерде, дип яза президентың матбугат хезмәте. 

“Минем исемгә күп шикаятьләр килә. “Салават күпере”ндә яшәүчеләр сыйфатсыз йортларга зарлана. Республиканың Госстройнадзор белгечләренә урынга барып тикшерергә һәм тиешле чара күрергә кирәк”, - бип билгеләп үтте Рөстәм Миңнеханов.

Шулай ук, Президент социаль-мәдәни тармакта төзелеш һәм капиталь төзекләндерү буенча дәүләт программаларын тормышка ашыруга җәлеп ителгән подрядчыларың эшләрен яхшылап күзәтергә кирәклеген дә әйтте. Рөстәм Миңнеханов сүзләренчә, алдарак Теләче районында төзүчеләрнең яңа клуб төзегәндә икенчел төзелеш материаллары куллануы турында хәбәр килә. Моннан тыш, проект документациясендә һәм техник регламентларда тупас тәртип бозулар була, оешма яңа җиһазлар белән тәэмин ителми.

“Намуссыз кешеләр! Без бу авылда халык өчен клуб төзибез, ә алар эшкә шундый мөнәсәбәттә. Башка беркайчан да мондый прдрядчикны эшкә якын китермәгез. Ә йомгаклау документларын имзалаган кураторны җаваплылыкка тартырга кирәк”, - дип өстәде Президент. Һәм мондый хәбәрләргә кичемәстән игътибар итәргә кушты.

КӨН ҮЗӘГЕНДӘ

Татарстан Президенты Россия-Сингапур хөкүмәтара комиссиясе эшендә катнашачак

Рөстәм Миңнеханов, Малайзиягә эш сәфәрен тәмамлап, Сингапур Республикасына килде.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.