Авыл

2018 ел уңышына тупланган ашлама буенча алдынгы һәм артта калган районнар – исемлек

Татарстанда иң күп ашлама туплаган район белән иң түбән әзерлекле район арасында аерма 20 тапкырдан артык.
10.03 11:27

(Казан, 10 март, “Татар-информ”, Алинә Кадриева). Татарстан районнарында 2018 елгы язгы чәчүгә әзерләнгән ашлама күләмендәге аерма 21 тапкырга җитә. Авыл хуҗалыгы һәм азык-төлек министрлыгы матбугат хезмәте хәбәр иткәнчә, әйтик, Зәй районында 1 гектар чәчүлек мәйданына 84,6 кг ашлык тупланган булса, Кама Тамагында ул 4,5 кг гына. 

Иң күп ашлама туплаган районнар - Зәй (84,6), Сарман (82,1), Әтнә (70,8), Тәтеш (55,3) һәм Түбән Кама (52,4).

"Татар-информ" хәбәрчесе Зәй районы авыл хуҗалыгы һәм азык-төлек идарәсе җитәкчесе Атлас Галиәхмәтов белән элемтәгә керде. “Без ел саен "Агросила" компаниясе кабул иткән технология нигезендә эшлибез. Көздән уҗымнарга бик күп ашлама кертелә. Мәсәлән, чөгендер астына көздән кертеп калдырабыз. Технология буенча каралган ашлама кайтып бетте. Май башларына тагы кайтыр дип ышанабыз. Шуңа күрә безнең районда, безнең агрофирмада ашлама белән тәэмин итүдә проблемалар юк. Ел да ничек эшләгәнбез, шулай эшлибез. Башка елларда да бик күп күләмдә кертелә иде, быел да шулай дәвам итәр дип өмет итәбез”, - диде ул. 

Ашлама туплау буенча иң түбән күрсәткечле районнар - Алабуга (13,6), Апас (9,7), Әгерҗе (9,4), Кама Тамагы (4,5) һәм Кайбыч (4,0). Кайбыч районы авыл хуҗалыгы һәм азык-төлек идарәсе җитәкчесе Фиргат Басыйров күрсәткечнең ни өчен түбән булуын аңлатырга тырышты: “Уңышсыз калырбыз дип уйламыйм. Әлеге проблема өстендә эшлибез. Шушы көннәрдә субсидия көтәбез. Шул субсидияне алып, үзебезнең хуҗалыклардан кергән керемне кушып, ашлама кертербез, күрсәткечләрнең нәтиҗәсе югарырак булыр дип өмет итәбез”, - диде ул.
 

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.