Спорт

Тукай районында полиатлон буенча көч сынаштылар

Командалар арасында беренче урынга Кнәз мәктәбе лаек дип табылды.
10.03 19:00

(Тукай районы, 10 март, "Татар-информ", "Якты юл"). Тукай районының Яңа бистәсендә интернациональ бурычларын үтәгәндә һәлак булып калган якташлар истәлегенә багышланган полиатлон буенча район беренчелеге үтте, дип яза җирле басма.

Ярышларда 13 район мәктәбе арасыннан барысы бергә 70тән артык кеше катнашты. Егетләр 2 км дистанцияне чаңгыда узды, тартылды, пневматик винтовкадан атты, ә кызлар 2 км дистанцияне чаңгыда үтте, пневматик винтовкадан атты, гәүдәне күтәрүдә көч сынашты.

Шәхси беренчелектә егетләр арасында Артем Кожевниковка («Татарстан» совхозы поселогы), Азат Гәрәевка (Яңа бистәсе), Айнур Фәсхетдиновка (Сәмәкәй) тиңнәр булмады. Ә кызлар арасында призлы урыннарда Язилә Шәймәрдәнова (Түбән Суыксу), Элиза Шәмсиевага (Сосновый Бор) калдылар. Командалар арасында беренче урынга Кнәз мәктәбе лаек дип табылды. Икенче һәм өченче урыннар Яңа поселогы һәм Калмаш мәктәпләре укучыларына бирелде.

КӨН ҮЗӘГЕНДӘ

Татарстан Президенты Россия-Сингапур хөкүмәтара комиссиясе эшендә катнашачак

Рөстәм Миңнеханов, Малайзиягә эш сәфәрен тәмамлап, Сингапур Республикасына килде.

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.