Рәсми Татарстан

Татарстан Президенты Казанда Горький һәм Шаляпин музее эшчәнлеге белән танышачак

Элек язучы Максим Горькийга багышланган булса, хәзер яңартылган музей җырчы Федор Шаляпин иҗатын да яктырта.
10.03 16:47

(Казан, 10 март, “Татар-информ”, Оксана Романова). Татарстан Президенты Рөстәм Миңнеханов 12 мартта Казанда берничә атна элек исеме үзгәртелгән Горький һәм Шаляпин музее экспозициясе белән танышыр дип көтелә. Бу хакта “Татар-информ” агентлыгына Татарстан Президенты ярдәмчесе Олеся Балтусова хәбәр итте.

Агентлык әңгәмәдәше билгеләп үткәнчә, республика башлыгы 2016 елда үткәрелгән төзекләндерү эшләреннән соң бу музейга беренче тапкыр киләчәк.

“Татарстан Республикасы Президенты музейның 78 еллыгы белән котлаячак, аның коллективы һәм экспозициясе белән танышачак", - дип ачыклык кертте Олеся Балтусова.

12 мартта музейда “Горький укулары” Бөтенроссия фәнни-гамәли конференциясе башлана. Биредә Түбән Новгородтагы Горький музее белән берлектә әзерләнгән күргәзмә дә ачылачак. Бу чараларда Мәскәү, Түбән Новгород, Самара, Алабуга, Чабаксар, Бөек Новгород, Ижевск һәм башка шәһәрләрдән Горький һәм Шаляпин иҗатын өйрәнүчеләр катнашачак.

“Татарстан Президенты килешенә музейның элмә тактасы яңартылды. Хәзер “Горький һәм Шаляпин музее” исемен язу өчен документлар рәсмиләштерелә”, - дип ачыклык кертте музей мөдире Марианна Гаврилова.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.