Фән һәм мәгариф

Казанның 12нче гимназиясендә Туфан Миңнуллин исемендәге V республика конференциясе узачак

27 мартта, Халыкара театр көнендә, гимназиядә иң яхшы фәнни һәм иҗади эш авторларын дипломнар белән бүләкләячәкләр.
10.03 17:26

(Казан, 10 март, "Татар-информ"). Туфан Миңнуллин исемендәге укытучыларның һәм укучыларның V республика конференциясе быел Казанның Ф.Г.Аитова исемендәге 12нче гимназиясендә 26-27 мартта узачак.

Әлеге конференция татар әдәбиятын, мәдәниятен, сәнгатен һәм Туфан Миңнуллинның иҗади мирасын киңрәк өйрәнү һәм популярлаштыру максатыннан үткәрелә. Конференцияне оештыручылар - ТР Дәүләт Советының мәгариф, мәдәният, фән һәм милли мәсьәләләр комитеты, ТР Мәгариф һәм фән министрлыгы,  Ф.Г.Аитова исемендәге татар телендә белем бирүче 12нче гимназиясе. Анда республиканың урта һәм өстәмә белем бирү оешмаларында белем алучы 5-11 сыйныф укучылары, шулай ук мәктәп укытучылары һәм китапханәчеләр катнаша ала.

Конференция берничә номинациядә үткәрелә: журналистика, драматургия (сәхнәләштерү), Туфан Миңнуллин иҗатына багышланган фәнни эшләр. Шул исәптән, укытучылар һәм китапханәчеләр өчен дә аерым номинация каралган – “Татар шагыйрьләре әсәрләренә китапнамә”, ягъни әсәрләрне махсус видеоролик ярдәмендә рекламалау бәйгесе.

Журналистик хезмәтләргә, фәнни эшләргә һәм китапнамәләргә нәтиҗәләр 12 мартта ясалачак.

Драматургия номинациясендә катнашучыларга 12нче гимназиянең Актлар залында жюри алдында чыгыш ясарга туры киләчәк. 26 мартта – Казан мәктәпләре, 27 мартта республика мәктәпләре чыгыш ясаячак. Журналистика, фәнни эшләр һәм китапнамәләр төзү юнәлешендәге секцияләрнең утырышлары да 27 мартта, Халыкара театр көнендә, гимназиядә узачак. Һәр яшь төркеме буенча иң яхшы фәнни һәм иҗади эш авторларын дипломнар белән бүләкләячәкләр.

КӨН ҮЗӘГЕНДӘ

Татарстан Президенты Россия-Сингапур хөкүмәтара комиссиясе эшендә катнашачак

Рөстәм Миңнеханов, Малайзиягә эш сәфәрен тәмамлап, Сингапур Республикасына килде.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.