Спорт

Марта Зәйнуллина Паралимпия уеннарында дүртенче урында калды

Татарстан спортчысы бүген 12 чакрымга чаңгы ярышында, кичә 6 чакрымга биатлон буенча дүртенче булып килде.
11.03 12:42

(Казан, 11 март, “Татар-информ”). Пхёнчханда 2018 елгы XII Паралимпия кышкы уеннарында ярышның икенче көнендә Түбән Кама кызы Марта Зәйнуллина бронза медаль алуга бер адымда калды. Бу хакта Татарстан Яшьләр эшләре һәм спорт министрлыгы матбугат хезмәте хәбәр итте.

Татарстан кызы “утырып” шуучы спортчылар арасында 12 чакрымга чаңгы ярышында дүртенче булып килде.

Марта Зәйнуллина (LW12 классы) ярышны 39:09.0 вакыт белән төгәлләде. Ул өченче урынны яулаган АКШ спортчысы Оксана Мастерстан  4.1 секундка гына калышты.

Моннан тыш, 5 нче, 6 нчы, 7 нче урыннарны да Россия спортчы кызлары: Надежда Федорова, Ирина Гуляева һәм Мария Иовлева яулады. Узышта АКШтан тагын бер спортчы Кендалл Гретч 38:15.9 секунд нәтиҗәсе белән килде. “Көмеш”не немец Андреа Эскау (38:48.3) алды.

Паралимпия кышкы уеннары тәмамланганчы, Татарстан спортчылары тагын ике чаңгы һәм ике биатлон ярышында катнашачак.

Шунысын да билгеләп үтик, кичә Марта Зәйнуллина “утырып” шуучы спортчылар арасында 6 чакрымдагы биатлон ярышында дүртенче булып килде.
 

КӨН ҮЗӘГЕНДӘ

25 апрельнең төп вакыйгалары - фото һәм сылтамалар

Миңнеханов Медведевка Татарстанның икътисади казанышлары турында сөйләде, Айрат Сибагатуллин ТНВ каналының коллективына тәкъдим ителде.

Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була

Татар дəүлəт филармониясе янындагы паркта Александр Ключарёв, Айрат Арсланов һəм Фуат Мансуров истəлегенə чыршылар утыртылды.

Галимҗан Гыйльманов: "Әдәби марафон" язучы өчен иң хәтәр тәнкыйтьче була ала

“Әдәби марафон” финалистларын бүләкләү кичәсендә язучылар үзләренең укучыларга мохтаҗ булуларына басым ясады.

“Әдәби марафон” бәйгесенең өченче финалына үтүчеләрнең 99 проценты хатын-кыз

Финалга үткән 82 кеше арасындагы бердәнбер ир-ат - бәйгене оештыручы Раил Гатауллин.