Татар дөньясы

Төмән татарлары гаиләсе зәңгәр якут туйларын бәйрәм итте

Аслана татар мәдәнияте үзәге хезмәткәрләре хөрмәтле кешеләр белән таныштыра.
11.03 15:58

(Казан, 11 март, "Татар-информ"). Төмән өлкәсендә 12 февраль көнне Бумаер авылында яшәүче Әнүзә һәм Миңнеәхмәт Исхаковларны зәңгәр якут (сапфир) туйлары белән котлаганнар. Ялутор районының 95 еллыгына багышланган “Юбилеең белән, туган районым” дигән чаралар бара. Аслана татар мәдәнияте үзәге хезмәткәрләре әлеге проект буенча районның хөрмәтле кешеләре белән таныштыра. Бу турыда Төмән татарларының "Яңарыш" сайты хәбәр итә.

Үзенең 65 яшен бәйрәм итүче Миңнеәхмәт Исхаков яшьлеген искә төшереп сөйләгән. "Хатыным белән клубта очраштык. Озакламый мин армиягә китеп, Владивостокта 3 ел хезмәт итеп кайттым. Корабльдә булганда буш вакытларда гармунда уйный идем. Бервакыт туганнарга сагынып “Туган авылым” дигән җырны җырлап утырганда, икенче корабльдән сигнал биреп, тагын бер татар җырын башкаруымны үтенделәр. Соңыннан белдем, ул егет минем якташым, Тубыл ягыннан татар егете булган икән. Әнүзә мине армиядән көтеп алды. Мин кайткач, 1972 елның 8 ноябрендә, авыл советына кереп никахыбызны беркетеп чыктык та, бөтен авылга туй гөрләттек", - дигән ул.

"Диңгезче матур егетне үземә каратканга кызлар көнләштеләр дә инде, - дип дәвам иткән Әнүзә Исхакова. - Аллага шөкер, 45 ел бергә бәхетле гомер кичерәбез. Ул киң профильле белгеч буларак, колхозда төрле техникада, мин фермада сыер савучы булып эшләдем. Үзебез дә зур хуҗалык тоттык, хәзерге көндә дә, лаеклы ялда булуга карамастан, хайваннар асрыйбыз, бакчада җиләк-җимеш үстерәбез. Яшәгәндә, билгеле, төрлесе булды, иң мөһиме - тормыш юлыннан иңне-иңгә терәп, бер сукмактан атлыйбыз".

"Яңарыш" газетасыннан Рәүфә Кангазина язганча, юбилярлар биш бала үстерә, бүгенге көндә унике оныклары бар. 

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.

Татарстан мәчетләрендә татар телен өйрәнү курслары башлана

Курсларны уздыру вакыты озайтыла: белем бирү дәвамлылыгы элеккечә 3 айга түгел, ә ярты елга исәпләнгән.

Илгиз Зәйниев “Әкият” курчак театрында Әлфия Авзалова турында музыкаль спектакль куячак

Пьеса Әлфия Авзалованың тормыш һәм иҗат биографиясе нигезендә язылган, һәм анда Илһам Шакиров образы да булачак.