Спорт

Кукмарада хоккей турнирын Совет хоккее легендасы Сергей Макаров ачты

Әлеге турнир Кукмара хоккееның 50 еллыгы уңаеннан үткәрелде.
11.03 19:00

(Кукмара, 11 март, "Татар-информ", "Хезмәт даны", Эльвира Миннәхмәтова). Кичә Кукмараның "Олимп" Боз сараенда Кукмара хоккееның 50 еллыгы уңаеннан алкалы хоккей буенча турнир үткәрелде, дип яза kukmor-rt.ru сайты.

Кукмара хоккеена 1968 елның 22 февралендә старт бирелә. Ул вакытта 2нче урта мәктәп укучыларыннан торган командалар арасында беренче тапкыр турнир үткәрелә. 1976 елда Кукмара 6нчы номерлы тегү фабрикасы коллективының физик культура рәисе Николай Саватеев ярдәме белән хоккей кирәк-яраклары сатып алына.

Хоккей сөючеләр белән берлектән әлеге чарада Совет хоккееның легендасы, СССРның атказанган спорт мастеры, ике тапкыр Олимпия чемпионы, сигез тапкыр дөнья чемпионы, Канада кубогы иясе, Төнге хоккей идарәсе әгъзасы Сергей Макаров та катнашты. Турнирда Татарстан прокуратурасы, Кукмараның ветераннар, Киров өлкәсе Сосновка шәһәренең "Витязь" һәм Апас районы командалары көч сынаша.

- Бүген без истәлекле вакыйга: Кукмара хоккееның 50 еллыгын билгеләп үтәбез. Әлеге спортны үстерүдә үзләреннән зур өлеш керткән һәркемгә рәхмәтемне белдерәм, - дип, район башлыгы Сергей Димитриев бәйрәмне ачып җибәрде. – Безнең "Олимп" боз сараенда 10 команда бу спорт төре белән шөгыльләнә. Шулай ук 20 авыл җирлегендә хоккей мәйданчыклары эшли. Кыскасы, бездә спорт белән шөгыльләнү өчен бөтен мөмкинлекләр дә бар.

Боз сараена хоккей капкасы, 50 кәшәкә һәм 50 пар тимераяк алу өчен сертификат тапшырылды.

Сергей Макаров шулай ук кукмаралыларны сәламләде:

- Күрәм, бирегә сез гаилә белән килгәнсез. Бу искиткеч. Мин бик шат: сезнең хоккей уйнар өчен спорт сараегыз бар. Сезгә сәламәтлек, күп уңышлар телим.

КӨН ҮЗӘГЕНДӘ

25 апрельнең төп вакыйгалары - фото һәм сылтамалар

Миңнеханов Медведевка Татарстанның икътисади казанышлары турында сөйләде, Айрат Сибагатуллин ТНВ каналының коллективына тәкъдим ителде.

Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була

Татар дəүлəт филармониясе янындагы паркта Александр Ключарёв, Айрат Арсланов һəм Фуат Мансуров истəлегенə чыршылар утыртылды.

Галимҗан Гыйльманов: "Әдәби марафон" язучы өчен иң хәтәр тәнкыйтьче була ала

“Әдәби марафон” финалистларын бүләкләү кичәсендә язучылар үзләренең укучыларга мохтаҗ булуларына басым ясады.

“Әдәби марафон” бәйгесенең өченче финалына үтүчеләрнең 99 проценты хатын-кыз

Финалга үткән 82 кеше арасындагы бердәнбер ир-ат - бәйгене оештыручы Раил Гатауллин.