Спорт

Лениногорскида гаилә белән бергәләп ГТО тапшырдылар

Шәһәрнең 1нче спорт мәктәбенә шәһәр һәм район мәктәпләреннән гаиләләр килде, барлыгы 26 гаилә катнашты.
11.03 23:00

(Лениногорск, 11 март , “Татар-информ”, “Заман сулышы”, Розалия Мостафина). Лениногорскида Зур гаилә уеннары – “Без бергә” проекты кысаларында “ГТО нормативларын гаилә белән бергәләп” муниципаль этабы узды. Шәһәрнең 1нче спорт мәктәбенә шәһәр һәм район мәктәпләреннән гаиләләр килде, барлыгы 26 гаилә катнашты, дип хәбәр итә район газетасы.

Спорт мәктәбе шау-гөр килеп торды. Бар почмактан спорт сөюче гаиләләрнең шат авазлары яңгырап торды. Гаиләләр озынлыкка сикерү, турникта тартылу, аякны туры килеш тотып, гәүдәне бөгү, отжимание ясау, яткан килеш гәүдәне күтәрү, йөгерү кебек спорт төрләрендә сынаштылар.

Катнашучы гаиләләрне башкарма комитет җитәкчесе урынбасары Владимир Друк сәламләде. Сәламәтлекнең үз кулыбызда булуын, сәламәт тәндә - сәламәт рух икәнен билгеләде.

Шунысы шатлыклы: районда спортны үз иткән гаиләләр шактый. Әнә Зеленая Роща мәктәбен тәкъдим итүче Бәдертдиновлар гаиләсенең көр күңелле булуына сокланырлык. Уллары Рушан Зеленая Роща мәктәбенең 10 сыйныфында укый. Милли көрәш, хоккей белән шөгыльләнә. Гел алдынгы урыннарны яулый. Әтиләре Марат авыл волейбол, хоккей командаларында уйный. Күптән түгел волейбол буенча авыл командалары арасында узган ярышта алар командасы беренче урынны алган, хоккей буенча исә өченче урынны.

- Гаиләбез белән спортны яратабыз. Шәһәргә Боз сараена тимераякта шуарга киләбез, ишегалдында баскетбол, волейбол мәйданчыгы бар. Бергәләшеп йөгерәбез, чаңгыда шуабыз, - ди дус-тату Бәдертдиновлар гаиләсе.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.