Икътисад

Бюджет хезмәткәрләре сайлаулар алдыннан эш хакының артуы турында белдерде

Эш хакының артуы турында мәгълүматлар төбәкләрдән дә килә.
12.03 11:14

(Казан, 12 март, «Татар-информ»). Узган елның декабрь аеннан, Россия Президенты Владимир Путинның 2012 елдагы май указлары нигезендә, бюджет хезмәткәрләренең эш хакы берничә мәртәбә артты, дип хәбәр итә РБК.

Әйтик, Мәскәү дәүләт университеты хезмәткәрләренә февраль аенда өстәмәләр белән бәйле булмаган югары эш хакы түләнгән, диде Якиманки районы муниципаль районы депутаты һәм Мәскәү дәүләт университетының кече фәнни хезмәткәре Василий Дикарев. Хезмәт хакының күләме 100-120 мең сум тәшкил иткән.

Мәскәү авиация институтында хезмәткәрләрнең эш хакын 80 мең сумга (элек ул 25-30 мең сум булган) кадәр арттырганнар.

Мәскәүнең С.П.Боткин исемендәге клиник хастаханәсендә хезмәт хакы ике тапкыр күтәрелгән.

Март башында шәһәр хастаханәләренең җитәкчеләренә май указлары нигезендә хезмәт хакларын тигезләү турында күрсәтмә бирелгән, дип хәбәр итте Мәскәү сәламәтлек саклау департаментындагы чыганак.

Эш хакының артуы турында мәгълүматлар төбәкләрдән дә килә, дип хәбәр итте «Действие» сәламәтлек саклау хезмәткәрләре төбәкара профсоюзы рәистәше Андрей Коновал.

Россия Президенты Владимир Путинның май указлары нигезендә, 2018 елда табиблар, вуз укытучылары һәм фәнни хезмәткәрләрнең эш хакы төбәк буенча уртача хезмәт хакының – 200, ә бюджет өлкәсендә эшләүчеләрнең аерым категорияләре өчен 100 проценты дәрәҗәсенә җиткерелергә тиеш.
 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.