Җәмгыять

Сайлаучыларга бирелә торган беләзек белән җәмәгать транспортында түләүсез йөреп булачак

Беләзекләре булган кешеләр «Казан-Арена» территориясендә Валерий Меладзе һәм Егор Крид чыгышын карый алачак.
12.03 13:30

(Казан, 12 март, «Татар-информ»). Россия Президентын сайлау көнендә, 18 мартта, сайлау участокларына килгән Казан кешеләренә махсус беләзек бирәчәкләр. Ул җәмәгать транспортында йөрү һәм бәйрәм концертын түләүсез карау хокукын бирә. Казан мэриясендә узган эшлекле дүшәмбе киңәшмәсендә шәһәр башкарма комитеты аппараты җитәкчесе Евгений Варакин шул хакта хәбәр итте.

«Сайлау участокларына килгән барлык кешеләргә дә «Мин тавыш бирдем» дигән язулы беләзекләр тапшырылачак. Аның белән 18 мартта шәһәрнең җәмәгать транспортында түләүсез йөрергә мөмкин», - дип искәртте Варакин.

Моннан тыш, әлеге беләзекләре булган кешеләр «Казан-Арена» территориясендә популяр җырчылар Валерий Меладзе һәм Егор Крид чыгышын карый алачак.

18 мартта Казан халкы барлык мәктәпләрдә узачак гаилә бәйрәмнәре, спорт чаралары, концертлар һәм мастер-классларда катнаша ала, диде докладчы. 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.