Рәсми Татарстан

"Алабуга" махсус икътисади зонасында табаклы прокат җитештерү заводы төзеләчәк

Татарстан Президенты "Алабуга" МИЗ Күзәтчелек советы утырышын үткәрде.
12.03 12:46

(Казан, 12 март, "Татар-информ"). "Алабуга" махсус икътисади зонасында табаклы прокат җитештерү заводы төзелеше проектын бүген махсус зонаның Күзәтчелек советында расладылар. Утырыш Татарстан Республикасы Президенты Рөстәм Миңнеханов рәислегендә узды. Каралган инвестицияләр күләме - 250 млн. доллар.

Бүген "Алабуга" резиденты булуга "Гемонт Металл" ҖЧҖ гаризасы каралды. Оешма табаклы прокат заводын 2020 елның өченче кварталында сафка кертергә җыена. Комплекс 40 кв. метр мәйданында урнашачак, беренче этабында елына 770 мең тонна табаклы прокат җитештерү карала. Алга таба җитештерү күләме елына 1 млн. 250 мең тоннага кадәр җиткерү көтелә.

Әзер продукция күп төрле тармакларда кулланылачак: электр техникасы җитештерүдә, автомобильләр төзүдә, түбә каплау материаллары буларак һәм башкалар. Алдынгы технологияләр кулланып төзелгән комплекста 320 кеше хезмәт итәчәк.

"Алабуга" МИЗ генераль директоры Тимур Шаһивәлиев хәбәр иткәнчә, яңа резидентны участок һәм инфраструктура белән тәэмин итү мәсьәләләре хәл ителгән. Заводка кадәр тимер юл да уздырылачак.

"Продукция күләме бик зур - аны китерергә, чыгарырга кирәк булачак. Бу тимер юл өчен яхшы эш, - диде Рөстәм Миңнеханов. - Безгә бу проект кызык һәм аңа тулысынча ярдәм итәчәкбез".

Утырыш ахырында Күзәтчелек советы әгъзалары "Алабуга" МИЗның яңа резидентын раслап тавыш бирделәр.  

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.