Мәдәният

Татарстан Президенты яңартылган Горький һәм Шаляпин музеенда ипи пешереп карады

Бүгеннән Казандагы Максим Горький әдәби-мемориаль музее рәсми рәвештә Максим Горький һәм Шаляпин музее дип атала башлады.
12.03 15:14

(Казан, 12 март, "Татар-информ", Рузилә Мөхәммәтова). Бүгеннән Казандагы Максим Горький әдәби-мемориаль музее рәсми рәвештә Максим Горький һәм Шаляпин музее дип атала башлады. Татарстан Президенты Рөстәм Миңнеханов, төзекләндергәннән соң беренче тапкыр, әлеге музейга килде. Музейга экскурсия вакытында Татарстан Президенты ипи пешерүче балаларга кушылды.

Рөстәм Миңнеханов игътибарына Максим Горький һәм Иван Шаляпин заллары тәкъдим ителде. Яңартылган музей экспозицияләре буйлап экскурсияне музей директоры Марианна Гаврилова үткәрде.

Экскурсия күренекле язучы экспозицияләреннән башланып, танылган опера җырчысы экспозициясе белән дәвам итте. 

Президентның музей программасы пекарняда үткәрелгән мастер-класс белән төгәлләнде. Биредә уникаль рецептлар буенча икмәкләр пешерелә. Икмәк пешерүчедән осталык дәресләре алырга килгән балалар янына Президент та кушылды.

“Очрашу бик яхшы үтте. Бөтен кеше дә канәгать калды, дип уйлыйм. Без бик тырыштык. Яңартылган экспозиция моннан ике ел элек барлыкка килде. Ул Горькийның мемориаль-әдәби музее дип аталса да, чынбарлыкта ул 50 ел дәвамында Горький һәм Шаляпин музее иде инде. Ә бүген – музейның туган көнендә без аны рәсми рәвештә Горький һәм Шаляпин музее дип атый алабыз, - диде музей директоры Марианна Гаврилова журналистларга, очрашуга нәтиҗә ясап. - Без бу экспозициядә Шаляпин турында туган шәһәре контекстында сөйлибез. Экспозициядә 700 экспонат бар. Ә гомумән, Горький коллекциясендә 40 мең экспонат булса, 4 меңе - Шаляпин коллекциясе. Шулар арасыннан 100 экспонат – Шаляпинның шәхси әйберләре. Аларны артистның беренче никахыннан туган кызы Ирина Федоровна Шаляпина тапшырган иде”.

“Мөгаен, Президентка пекарня тәэсир иткәндер. Ул – заманында Алексей Пешков икмәк пешерүче ярдәмчесе булып эшләгән пекарня”, - диде музей директоры.

Марианна Гаврилова бүген “Горький укулары” конференциясенең рәсми булмаган ачылышы икәнлеген дә искәртеп узды. “Безгә музей форматын ни дәрәҗәдә исеменә туры китерүебез турында хезмәттәшләребез фикерен ишетү бик әһәмиятле”, - диде ул.

Татарстан Президентын Премьер-министр урынбасары Ләйлә Фазлыева, Президент ярдәмчесе Олеся Балтусова, мәдәният министры Айрат Сибагатуллин, Татарстан Милли музее генераль директоры Гөлчәчәк Нәҗипова, Казан шәһәре мэры Илсур Метшин озатып йөрде.

Мәгълүмат өчен. Максим Горький музее Казанда 1940 елның 12 мартында ачылган. Әлеге бинада 1886-1887 елларда Алексей Пешков (бөек рус язучысы Максим Горький) икмәк пешерүче ярдәмчесе булып эшләгән була. Музей экспозициясе мемориаль пекарнядан һәм Максим Горькийның Казан чорын чагылдырган материаллардан гыйбарәт. 1968 елда музейда “Шаляпин һәм Казан” экспозициясе ачыла. 2016 елда музей бинасы реставрациядән соң ачылды.


 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.