Мәдәният

Тукай премиясенә кандидат Александр Петровның Казанда күргәзмәсе ачыла

Чаллы рәссамының “Тукай шигырьләренә”, “Болгар истәлегенә”, “Балачак хатирәләре” серияләре Г.Тукай исемендәге дәүләт премиясенә тәкъдим ителде.
12.03 16:56

(Казан, 12 март, “Татар-информ”, Мөршидә Кыямова). 22 мартта 16:00 сәгатьтә “Казан” милли-мәдәни үзәгендә рәссам Александр Петровның шәхси күргәзмәсе ачыла. Бу хакта “Татар-информ” хәбәрчесенә Г.Тукай бүләгенә кандидат үзе әйтте.

Татарстанның атказанган сәнгать эшлеклесе Александр Петровның “Тукай шигырьләренә” (10 эш), “Болгар истәлегенә” (19 эш), “Балачак хатирәләре” (21 эш) серияләре быел Г.Тукай исемендәге дәүләт премиясенә тәкъдим ителде.

“Казан” милли-мәдәни үзәгендә 22 мартта ачылачак күргәзмәдә нәкъ менә дәүләт бүләгенә тәкъдим ителгән картиналарым белән танышырга мөмкин булачак, - диде “Татар-информ” хәбәрчесенә Александр Петров. - Иҗатымда татар шагыйренең әсәрләре шактый зур роль уйный. Туган як табигате, тарихы һәм балачакның гүзәл мизгелләре мине гомерем буе озата бара. Күргәзмәдә урын алган картиналарым аша, кешеләргә тормыш кыйммәтләренә тагын бер кат игътибар итүләрен телим”.

Белешмә: Татарстанның Г.Тукай исемендәге дәүләт бүләге җәмгыять тарафыннан киң танылган, республика мәдәниятен һәм милли мәдәниятне үстерүгә зур өлеш керткән, югары профессиональ осталыгы, яңалыгы һәм оригинальлеге белән аерылып торган, үзенчәлекле автор стиленә ия булган, аеруча күренекле әдәбият һәм сәнгать әсәрләре (сынлы сәнгать, музыка, театр, эстрада - цирк, кино сәнгате әсәрләре, архитектура һәм шәһәр төзелеше), шулай ук сәнгать һәм әдәбият белеме өлкәләренә караган күренекле фәнни тикшеренүләр өчен бирелә. Быел әлеге бүләкнең гамәлгә ашырылуына 60 ел тула.

 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.