Җәмгыять, Төп яңалыклар

12 мартның төп вакыйгалары – фото һәм сылтамалар

Татарстанның халык артисты Әнәс Галиуллинны соңгы юлга озаттылар, Татарстанда һава торышы бозыла, Фәүзия Бәйрәмова мишәр кызы турында роман яза.
12.03 21:00

Рөстәм Миңнеханов Казанда балалар сырхауханәсендә капиталь ремонт нәтиҗәләрен тикшерде / Казанның баш педиатры сүзләренчә, 2 нче балалар сырхауханәсе башкалада соңгы 5 елда балалар үлеме булмаган бердәнбер сырхауханә. 

Татарстанның халык артисты Әнәс Галиуллинны соңгы юлга озаттылар / 77 яшендә вафат булган Әнәс Галиуллинны Казанның Мәрҗәни мәчете карамагындагы “Мөселман зираты”на җирләделәр.

Татарстанда һава торышы бозыла / Якындагы тәүлектә төнлә кайсыбер районнарда 27 градуска кадәр салкын булуы көтелә.

Музейчылар Татарстан тарихына багышланган даими экспозиция әзерләү тәкъдиме белән чыкты / Милли музей генераль директоры Гөлчәчәк Нәҗипова ТАССРның 100 еллыгына даими экспозиция ясау өчен, Президенттан ярдәм сорады.

Минтимер Шәймиев Ленар Шәех иҗатына югары бәя биргән / Актаныш районында туып үскән шагыйрьнең “Үзем белән очрашу” дигән яңа китабында Минтимер Шәймиев белән әңгәмә дә урын алган.

Тукай премиясенә кандидат Александр Петровның Казанда күргәзмәсе ачыла / Чаллы рәссамының “Тукай шигырьләренә”, “Болгар истәлегенә”, “Балачак хатирәләре” серияләре Г.Тукай исемендәге дәүләт премиясенә тәкъдим ителде.

Фәүзия Бәйрәмова мишәр кызы турында роман яза / Язучы “Гөләйза” әсәрен беренче бүлеген язып тәмамлап, "Казан утлары" журналына тапшырган.

Татарстан Президенты һәм Мармарис мэры тугандаш шәһәрләр элемтәсен үстерү турында сөйләште / Бүген Татарстан Республикасы Президенты Рөстәм Миңнеханов Төркиянең Мармарис шәһәре мэры Али Адҗар белән очрашты.

КӨН ҮЗӘГЕНДӘ

Россия спорт өлкәсендә Латин Америкасы илләре белән хезмәттәшлек итәргә ниятли – министр

Россия һәм Уругвай спорт министрлары Самарада бүләкләр биреште.

25 июньнең төп вакыйгалары - фото һәм сылтамалар

2018 елда Татарстан бюджетын арттыру проекты имзаланды, Татаристика һәм тюркология югары мәктәбе гаризалар кабул итә, Уругвай футболда Россияне җиңде.

Рөстәм Миңнеханов 2018 елга Татарстан бюджетын 15,7 млрд сумга арттыру проектын имзалады

2018 елга бюджет кереме - 225 млрд сум, чыгымнар — 243 млрд сумны тәшкил итәчәк, дефицит 18,7 млрд сум булачак.

Уругвай 2030 елда чемпионат уздыру хокукы өчен көрәштә Россия ярдәменә өметләнә - Касерес

Уругвай дөнья чемпионатының 100 еллыгын билгеләп үтәргә җыена.

Чемпионат объектлары территорияләре санитар-экологик яктан тикшерелеп тора - А.Шадриков

Татарстан Экология министры Казанда сулыкларның да сыйфаты контрольдә булуын белдерде.