Татар дөньясы

Васил Шәйхразиев шәхес формалашу дүрт этаптан тора, дип саный

Татарстан Премьер-министры урынбасары Васил Шәйхразиев бөтенроссия форумында катнашучылары белән очрашуда шәхеснең формалашуы турында сөйләде.
12.03 18:32

(Казан, 12 март, “Татар-информ”, Динә Йосыпова). Шәхеснең формалашуы, Татарстан Премьер-министры урынбасары Васил Шәйхразиев фикеренчә, дүрт этаптан тора. Бу турыда Милли Шура рәисе үзе бүген Казанда “Маяковский” иҗат киңлегендә узган “Россия - мөмкинлекләр иле” бөтенроссия форумында катнашучылары белән очрашуда әйтте. В.Шәйхразиев - Татарстан делегациясен әзерләү буенча Оештыру комитеты рәисе.

Васил Шәйхразиев сүзләренчә, шәхеснең формалашуының беренче этабы – мәктәпкәчә белем бирү. “Бу этапта һәр әти-әни үз баласының потенциалын ачырга тели һәм тырыша. Якынаю юлы бу очракта кешелеклелеккә һәм теләккә нигезләнергә тиеш. Бүгенге көндә бала беренче сыйныфка барганда ук шәхес буларак үсә һәм формалаша башлаган була. Хәзерге заманада балаларның потенциалын ачу өчен нинди генә юнәлешләр юк бит. Баланы төрле юнәлештә сынап карап үстерергәме, яки бер генә өлкәдә формалаштырыргамы – бу һәр әти-әнинең шәхсән үз эше”, - дип әйтте Васил Шәйхразиев. Ә Милли Шура рәисе үзе баланы төрле юнәлешләрдә сынап карау дөресрәк, дип саный. Шул очракта гына бала күп әйберне азмы-күпме булса да беләчәк, ди В.Шәйхразиев.

Икенче этап, Васил Шәйхразиев сүзләренчә, ул мәктәп еллары. Бу этапта инде яшьләр балачакта сайланган юнәлешләр буенча үсә.

“Икенче этапның ничек үтеп киткәнен сизми дә каласың, килеп җитә иң җаваплы һәм иң кызыклы өченче этап”, - ди В.Шәйхразиев. Аның сүзләренчә, өченче этапта 9 яки 11 сыйныфтан соң имтиханнарны биреп, укырга теләгән югары уку йортыңны, һөнәреңне, үз тормыш юлыңны сайлыйсың. “Мондый сайлау мөмкинлеге тормышта бер генә була, чөнки ничә ел укып чыгып кесәңдә диплом булганнан соң нәрсәдер эшләве бик авыр”, - дип әйтте Милли Шура рәисе В.Шәйхразиев.

Васил Шәйхразиев үзе студент елларын иң рәхәт вакыт дип саный. “Яшь чакның бер генә җитешсезлеге бар: ул бик тиз үтә дә китә. Рәхәтен белеп калыгыз”, - ди В.Шәйхразиев. Әмма, аның сүзләренчә, нәкъ менә шушы чорда кеше тормышында төрле үзгәрешләр була. “Кемдер ничә ел тырышып укып алган кызыл дипломын шкаф тартмасына салып куя да, үз белгечлеге буенча бер көн дә эшләми. Кемдер киресенчә укыган елларны үзенең яңа мөмкинлекләрен ача. Мин шулай да булдырам икән бит, ди. Бу чор күп кеше өчен төп чорга әйләнә дияргә кирәк, чөнки нәкъ менә шушы вакытны аларның алдагы тормыш юллары билгеләнә”, - дип әйтте бүгенге очрашуда Татарстан Премьер-министры урынбасары Васил Шәйхразиев.

В.Шәйхразиев сүзләренчә, дүртенче этап – ул “бәхетле кеше” төшенчәсе. “Син бу тормышта үз юлыңны таба алдыңмы, юкмы. Бәхетлеме син, әллә бәхетсезме. Моны бары тик еллар үткәч кенә аңлап була шул”, - дип әйтте Милли Шура рәисе Васил Шәйхразиев.

“Татар-информ” Татарстан Премьер-министры урынбасары Васил Шәйхразиевнең Татарстан яшьләре делегациясе Мәскәүдә узачак бөтенроссия форумына әзер, дип санавын хәбәр иткән иде инде.

КӨН ҮЗӘГЕНДӘ

24 июньнең төп вакыйгалары - фото һәм сылтамалар

Эмиль Гарипов Бирәзә Сабан туена Гагарин кубогын алып кайтты, күн мозаика буенча мастер-класс үтте, Урта Бирәзәдә Раил Нургалиев абсолют батыр калды.

"Каннга барып җиткән беренче татар" катнашында эшләнгән фильм Казан фестивалендә күрсәтелә

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

Театр сабан туеның баш батыры - Кариев театры артисты Илдар Әхмәдуллин

Бүген Əтнә районының Каенсар урманында XI Театраль сабантуй үтте.

Урта Бирәзә авылында Теләчедән Раил Нургалиев абсолют батыр калды

Көрәшчегә "Лада-Гранта" автомобиле белән тәкә бүләк ителде.

Колумбия-Польша матчы вакытында 25 градуска якын эссе булачак

Гидрометүзәк, югары температураның кеше организмы өчен куркыныч булырга мөмкин икәне турында кисәтә.